‘ಗಾಂಧಿ ಹತ್ಯೆಯ ಸುತ್ತ’ ಕುರಿತು ಗಾಂಧಿ ಸ್ಮಾರಕ ನಿಧಿಯ ಮೌನ ಏಕೆ?

‘ಗಾಂಧಿ ಹತ್ಯೆಯ ಸುತ್ತ’ ಎಂಬ ನಾಟಕದ ಮೂಲಕ ಗಾಂಧೀಜಿ ಅವರಿಗೆ ಅವಮಾನ ಮಾಡುತ್ತಿದ್ದರೂ, ಗಾಂಧಿ ಸ್ಮಾರಕ ನಿಧಿ ಇದರ ವಿರುದ್ಧ ಮೌನವಹಿಸಿರುವುದು ಏಕೆ ಎಂದು ಕನ್ನಡದ ಹಲವು ಚಿಂತಕರು ಮತ್ತು ಸಾಮಾಜಿಕ ಕಾರ್ಯಕರ್ತರು ಪ್ರಶ್ನಿಸಿದ್ದಾರೆ. ಕರ್ನಾಟಕ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ಎಲ್‌.ಎನ್‌.ಮುಕುಂದರಾಜ್‌, ಚಿತ್ರನಟ ಕಿಶೋರ್‌, ವಿಜಯ್ ಹನಕೆರೆ ಮತ್ತು ಜಾಣ ಜಾಣೆಯರು ಗುಂಪಿನ ಜಗದೀಶ್ ಅವರು ಈ ಕುರಿತು ಪತ್ರಿಕಾ ಹೇಳಿಕೆ ನೀಡಿದ್ದಾರೆ. ಗಾಂಧೀಜಿ ಈ ದೇಶದ ಅಸ್ಮಿತೆ, ಜಗತ್ತು ಒಪ್ಪಿದ ದಾರ್ಶನಿಕ. ಅವರ ವಿಚಾರಗಳನ್ನು ಅರ್ಥಮಾಡಿಕೊಂಡು ಉಳಿಸಿಕೊಳ್ಳುವುದು ಪ್ರತಿ ಭಾರತೀಯನ ಕರ್ತವ್ಯ ಎಂದು ಅವರು ಕಳವಳ ವ್ಯಕ್ತಪಡಿಸಿದ್ದಾರೆ.