ಬೆಂಗಳೂರು 'ವಾರ್ಡ್ ಒನ್' ಅಭಿಯಾನ: ಒಂದೇ ದಿನದಲ್ಲಿ 197 ಟನ್ ತ್ಯಾಜ್ಯ ತೆರವು, 21 ರಸ್ತೆ ಗುಂಡಿ ಕ್ಲೋಸ್

ಬೆಂಗಳೂರು ಉತ್ತರ ನಗರ ಪಾಲಿಕೆ ವ್ಯಾಪ್ತಿಯಲ್ಲಿ 'ವಾರ್ಡ್ ಒನ್' ಮಹಾ ಅಭಿಯಾನಕ್ಕೆ ನವೆಂಬರ್ 1 ರಂದು ಅಧಿಕೃತ ಚಾಲನೆ ದೊರೆತಿದೆ. ಈ ಆಂದೋಲನವು ಮೊದಲ ದಿನವೇ ನಗರದ 23 ಕಿಲೋಮೀಟರ್ ರಸ್ತೆಗಳಲ್ಲಿ ಕಾರ್ಯನಿರ್ವಹಿಸಿ ದಾಖಲೆಯ ಪ್ರಗತಿ ಸಾಧಿಸಿದೆ. ಪ್ರಮುಖ ಸಾಧನೆಗಳಲ್ಲಿ 21 ರಸ್ತೆ ಗುಂಡಿಗಳನ್ನು ಶಾಶ್ವತವಾಗಿ ಮುಚ್ಚಲಾಗಿದೆ. ಅಲ್ಲದೆ, 80 ಸ್ಥಳಗಳಿಂದ 197 ಟನ್ ಕಟ್ಟಡ ನಿರ್ಮಾಣ ತ್ಯಾಜ್ಯ ಮತ್ತು 11 ಟನ್ ಸಾಮಾನ್ಯ ಕಸವನ್ನು ವಿಲೇವಾರಿ ಮಾಡಲಾಗಿದೆ.