ವಿಟಿಯು ಖಜಾನೆಯಲ್ಲಿರುವ 610 ಕೋಟಿ ಮೇಲೆ ರಾಜ್ಯ ಸರ್ಕಾರದ ಕಣ್ಣು

ಬೆಂಗಳೂರಿನ ಯುನಿವರ್ಸಿಟಿ ವಿಶ್ವೇಶ್ವರಯ್ಯ ಕಾಲೇಜ್ ಆಫ್ ಎಂಜಿನಿಯರಿಂಗ್ (UVCE) ಅಭಿವೃದ್ಧಿಗಾಗಿ ರಾಜ್ಯ ಸರ್ಕಾರವು ವಿಟಿಯು ಖಜಾನೆಯಿಂದ 250 ಕೋಟಿ ರೂಪಾಯಿ ಕೇಳಿತ್ತು. ವಿಟಿಯು ಆಡಳಿತ ಮಂಡಳಿಯು ಈ ಮನವಿಯನ್ನು ನಯವಾಗಿ ತಿರಸ್ಕರಿಸಿದೆ. 2014ರ ಆದಾಯ ತೆರಿಗೆ ಇಲಾಖೆಯ ದಾಳಿಯ ನಂತರ ವಶಪಡಿಸಿಕೊಂಡ ಹಣವನ್ನು ಮರಳಿ ಪಡೆದ ವಿಟಿಯು ಖಜಾನೆಯಲ್ಲಿ 610 ಕೋಟಿ ರೂಪಾಯಿ ಇದೆ. ಈ ಹಣದ ಒಂದು ಭಾಗವನ್ನು ಬಡ್ಡಿಗಾಗಿ ಠೇವಣಿಯಲ್ಲಿ ಇಟ್ಟು, ಮುಂದಿನ 10 ವರ್ಷಗಳ ಕಾಲ ಸಿಬ್ಬಂದಿ ವೇತನಕ್ಕೆ ಬಳಸಿಕೊಳ್ಳಲು ಯೋಜನೆ ರೂಪಿಸಲಾಗಿದೆ.