ವಿಜಯ್ ರಾವ್ ಶಿಂಧೆ, ಪ್ಯಾರಾ ವಾಲಿಬಾಲ್ ಫೆಡರೇಷನ್‌ ಇಂಡಿಯಾ ನೂತನ ಪ್ರಧಾನ ಕಾರ್ಯದರ್ಶಿಯಾಗಿ ಆಯ್ಕೆ

ಹುಣಸೂರಿನ ಗಾವಡಗೆರೆ ಗ್ರಾಮದ ವಿಜಯ್ ರಾವ್ ಶಿಂಧೆ ಅವರು ಪ್ಯಾರಾ ವಾಲಿಬಾಲ್ ಫೆಡರೇಷನ್‌ ಇಂಡಿಯಾದ ನೂತನ ಪ್ರಧಾನ ಕಾರ್ಯದರ್ಶಿಯಾಗಿ ಆಯ್ಕೆಯಾಗಿದ್ದಾರೆ. ಅವರು ಗಾವಡಗೆರೆ ಮತ್ತು ಹಂಪಾಪುರ ಗ್ರಾಮದ ಸರ್ಕಾರಿ ಪ್ರೌಢಶಾಲೆಯಲ್ಲಿ ಶಿಕ್ಷಣ ಪಡೆದು, ನಂತರ ಬೆಂಗಳೂರಿನ ಕೆಯುಯುಡಿ ಸಂಸ್ಥೆಯಲ್ಲಿ ವಿದ್ಯಾಭ್ಯಾಸ ಮಾಡಿದರು. ಶಿಂಧೆ ಅವರು 15 ರಾಷ್ಟ್ರೀಯ ವಾಲಿಬಾಲ್ ಸ್ಪರ್ಧೆಗಳಲ್ಲಿ ಭಾಗವಹಿಸಿ, 2009ರಲ್ಲಿ ಕಾಂಬೋಡಿಯಾದ ವಿಶ್ವಕಪ್ ಟೂರ್ನಿಯಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದರು. ಅವರು 2016ರಲ್ಲಿ ಅಮೆರಿಕಾದ ವಿಶ್ವ ಚಾಂಪಿಯನ್‌ ಶಿಪ್ ಟೂರ್ನಿಯಲ್ಲೂ ದೇಶವನ್ನು ಪ್ರತಿನಿಧಿಸಿದ್ದರು.