ವಿದ್ಯಾಶಂಕರ ಪ್ರಶಸ್ತಿ ಬಿ. ನಂಜುಂಡಸ್ವಾಮಿ ಮತ್ತು ಸರ್ಫ್ರಾಜ್ ಚಂದ್ರಗುತ್ತಿಗೆ ಘೋಷಣೆ

ಡಾ.ಎಸ್‌.ವಿದ್ಯಾಶಂಕರ ಸಾಂಸ್ಕೃತಿಕ ಪ್ರತಿಷ್ಠಾನವು ನೀಡುವ 2026ನೇ ಸಾಲಿನ ‘ವಿದ್ಯಾಶಂಕರ ಪ್ರಶಸ್ತಿ’ಗೆ ತುಮಕೂರಿನ ಸಂಶೋಧಕ ಬಿ. ನಂಜುಂಡಸ್ವಾಮಿ ಹಾಗೂ ‘ವಿದ್ಯಾಶಂಕರ ಪುರಸ್ಕಾರ’ಕ್ಕೆ ಸಾಗರದ ಲೇಖಕ ಸರ್ಫ್ರಾಜ್ ಚಂದ್ರಗುತ್ತಿ ಆಯ್ಕೆಯಾಗಿದ್ದಾರೆ. ಹಿರಿಯ ಸಂಶೋಧಕರಿಗೆ ನೀಡುವ ವಿದ್ಯಾಶಂಕರ ಪ್ರಶಸ್ತಿಯು ₹ 30 ಸಾವಿರ ನಗದು ಹಾಗೂ ಫಲಕ ಒಳಗೊಂಡಿದೆ. ಯುವ ಸಂಶೋಧಕರಿಗೆ ನೀಡುವ ವಿದ್ಯಾಶಂಕರ ಪುರಸ್ಕಾರವು ₹ 15 ಸಾವಿರ ನಗದು ಹಾಗೂ ಫಲಕ ಒಳಗೊಂಡಿದೆ. ನ.19ರಂದು ಚಾಮರಾಜಪೇಟೆಯ ಕನ್ನಡ ಸಾಹಿತ್ಯ ಪರಿಷತ್ತಿನ ಶ್ರೀಕೃಷ್ಣರಾಜ ಪರಿಷನ್ಮಂದಿರದಲ್ಲಿ ವೀರಭದ್ರ ಚನ್ನಮಲ್ಲ ದೇಶಿಕೇಂದ್ರ ಸ್ವಾಮೀಜಿ ಪ್ರಶಸ್ತಿ ಪ್ರದಾನ ಮಾಡುವರು.