ವಿಶ್ವವಿದ್ಯಾಲಯಗಳು ಸಂಶೋಧನೆ ಮತ್ತು ನಾವೀನ್ಯಕ್ಕೆ ಪ್ರೋತ್ಸಾಹ ನೀಡಬೇಕು ಎಂದು ಬಿಟ್ಸ್ ಪಿಲಾನಿ ಕುಲಪತಿ

ರಾಮಯ್ಯ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಆರ್‌ಟಿಐ) ಆಯೋಜಿಸಿದ್ದ ಡಾ.ಎಂ.ಎಸ್.ರಾಮಯ್ಯ ಸ್ಮಾರಕ ಉಪನ್ಯಾಸ ಕಾರ್ಯಕ್ರಮದಲ್ಲಿ ಬಿಟ್ಸ್ ಪಿಲಾನಿ ಕುಲಪತಿ ಪ್ರೊ.ವಿ.ರಾಮಗೋಪಾಲ್ ರಾವ್ ಅವರು, ವಿಶ್ವವಿದ್ಯಾಲಯಗಳು ಶಿಕ್ಷಣದ ಜೊತೆಗೆ ಸಂಶೋಧನೆ ಮತ್ತು ನಾವೀನ್ಯಕ್ಕೆ ಹೆಚ್ಚಿನ ಪ್ರೋತ್ಸಾಹ ನೀಡಬೇಕು ಎಂದು ಹೇಳಿದರು. ಭಾರತವು ಜಾಗತಿಕ ಮಟ್ಟದಲ್ಲಿ ಶಿಕ್ಷಣ ಸಂಸ್ಥೆಗಳಲ್ಲಿ ಮೊದಲ ಸ್ಥಾನದಲ್ಲಿದ್ದರೆ, ಉನ್ನತ ಶಿಕ್ಷಣ ಪಡೆಯುವ ವಿದ್ಯಾರ್ಥಿಗಳ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದೆ. ಆದರೆ, ನಾವೀನ್ಯ ಮತ್ತು ಸಂಶೋಧನೆಯಲ್ಲಿ ಭಾರತ ಕ್ರಮವಾಗಿ 38 ಮತ್ತು 54ನೇ ಸ್ಥಾನದಲ್ಲಿದೆ ಎಂದು ಅವರು ತಿಳಿಸಿದರು. ವಿಜ್ಞಾನ ವಿಷಯದಲ್ಲಿ ಚೀನಾದ ಪ್ರಮಾಣ ಶೇ 20.67 ರಷ್ಟಿದ್ದರೆ, ಭಾರತದ ಪ್ರಮಾಣ ಶೇ 5.31 ರಷ್ಟಿದೆ ಎಂದು ಅವರು ಗಮನಿಸಿದರು.