ಹಬ್ಬದ ಸೀಸನ್‌ಗೆ ರಾಯಲ್ ಎಂಟ್ರಿ: 'ಬಿಎಸ್‌ಎ ಗೋಲ್ಡ್ ಸ್ಟಾರ್ 650'ಯ 2 ಹೊಸ ಎಡಿಷನ್‌ಗಳು ಬಿಡುಗಡೆ

ಹಬ್ಬದ ಸೀಸನ್ ಸಂಭ್ರಮ ಹೆಚ್ಚಿಸಲು ಬಿಎಸ್ ಎ ಮೋಟಾರ್ ಸೈಕಲ್ಸ್ ತನ್ನ ಪ್ರಸಿದ್ಧ ಗೋಲ್ಡ್ ಸ್ಟಾರ್ 650 ಬೈಕ್ ನ ಎರಡು ಹೊಸ ಆವೃತ್ತಿಗಳನ್ನು ಬಿಡುಗಡೆ ಮಾಡಿದೆ. ಎಂಸಿಎನ್ ನ ಬೆಸ್ಟ್ ರೆಟ್ರೊ ಬೈಕ್ ಪ್ರಶಸ್ತಿ ವಿಜೇತ ಈ ಬೈಕ್ ಇದೀಗ 'ಬ್ರೂಕ್ ಲ್ಯಾಂಡ್ಸ್ ಬ್ಲ್ಯಾಕ್ ಲೆಗಸಿ ಎಡಿಷನ್' ಮತ್ತು ಬರ್ಮಿಂಗ್ಹ್ಯಾಮ್ ಬ್ಲೂ ಎಡಿಷನ್ ಎಂಬ ಎರಡು ಆಕರ್ಷಕ ಬಣ್ಣಗಳಲ್ಲಿ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದೆ. ಈ ಬೈಕ್ ಗಳು 652ಸಿಸಿ ಲಿಕ್ವಿಡ್-ಕೂಲ್ಡ್ ಸಿಂಗಲ್ ಸಿಲಿಂಡರ್ ಎಂಜಿನ್ ಹೊಂದಿದ್ದು, 45ಎಚ್ ಪಿ ಪವರ್ ಮತ್ತು 55ಎನ್ ಎಂ ಟಾರ್ಕ್ ಉತ್ಪಾದಿಸುತ್ತವೆ. ಈ ಎರಡೂ ಹೊಸ ಬೈಕ್ ಗಳು ದೇಶಾದ್ಯಂತ ಇರುವ ಬಿಎಸ್ ಎ ಡೀಲರ್ ಶಿಪ್ ಗಳಲ್ಲಿ ಲಭ್ಯವಿದೆ.