ದೇಗುಲಕ್ಕೆ ನುಗ್ಗಿ ಕಳ್ಳತನ: ಇಬ್ಬರ ಸೆರೆ

ತಲಘಟ್ಟಪುರ ಠಾಣೆಯ ಪೊಲೀಸರು ದೇವಸ್ಥಾನಕ್ಕೆ ನುಗ್ಗಿ ಕಳ್ಳತನ ಮಾಡುತ್ತಿದ್ದ ಇಬ್ಬರನ್ನು ಬಂಧಿಸಿದ್ದಾರೆ. ಆರೋಪಿಗಳಿಂದ ₹8.10 ಲಕ್ಷ ಮೌಲ್ಯದ ವಸ್ತುಗಳನ್ನು ವಶಕ್ಕೆ ಪಡೆದಿದ್ದಾರೆ. ಆವಲಹಳ್ಳಿಯ ಬಿಡಿಎ ಕ್ವಾರ್ಟ್ರಸ್‌ ನಿವಾಸಿಗಳಾದ ದಸ್ತಗೀರ್ (24) ಮತ್ತು ಅರ್ಬಾಜ್ (25) ಬಂಧಿತರು. ಪೊಲೀಸರ ಪ್ರಕಾರ, ಕಳ್ಳರು ಹಗಲು ವೇಳೆ ಸಿಸಿಟಿವಿ ಕ್ಯಾಮೆರಾಗಳು ಇಲ್ಲದ ದೇವಸ್ಥಾನಗಳನ್ನು ಪತ್ತೆ ಮಾಡಿ, ರಾತ್ರಿ ವೇಳೆ ನುಗ್ಗಿ ಕಳ್ಳತನ ಮಾಡುತ್ತಿದ್ದರು. ಈ ಕೃತ್ಯಕ್ಕೆ ಸಂಬಂಧಿಸಿದಂತೆ, ಆಂಜನೇಯ ಸ್ವಾಮಿ ದೇವಸ್ಥಾನದಲ್ಲಿ ಬೆಳ್ಳಿ ಹಾಗೂ ಹಿತ್ತಾಳೆಯ ವಸ್ತುಗಳನ್ನು ಕಳ್ಳತನ ಮಾಡಿಕೊಂಡು ಪರಾರಿ ಆಗಿದ್ದರು.