ಬೆಂಗಳೂರಿನಲ್ಲಿ ಜನಗಣತಿ 2027ರ ಎರಡನೇ ಹಂತದ ಕಾರ್ಯಕ್ಕೆ ತರಬೇತಿ ಕಾರ್ಯಾಗಾರ ಆರಂಭ

ದಕ್ಷಿಣ ನಗರ ಪಾಲಿಕೆ ವ್ಯಾಪ್ತಿಯಲ್ಲಿ 'ಜನಗಣತಿ 2027'ರ ಎರಡನೇ ಹಂತದ ಕಾರ್ಯಕ್ಕೆ ಅಧಿಕಾರಿಗಳು ಮತ್ತು ಸಿಬ್ಬಂದಿಗೆ ನಾಲ್ಕು ದಿನಗಳ ತರಬೇತಿ ಕಾರ್ಯಾಗಾರ ಆರಂಭವಾಗಿದೆ. ಜಯನಗರದ ಸಿಐಎಂಎಸ್‌ ಕಾಲೇಜಿನ ಸಭಾಂಗಣದಲ್ಲಿ ಜಿಲ್ಲಾ ಮತ್ತು ಪ್ರಭಾರ ಮಟ್ಟದ ಕ್ಲರಿಕಲ್ ಮತ್ತು ತಾಂತ್ರಿಕ ಸಹಾಯಕರ ತರಬೇತಿ ಕಾರ್ಯಾಗಾರಕ್ಕೆ ಚಾಲನೆ ನೀಡಲಾಯಿತು. ಜನಗಣತಿ ಕಾರ್ಯಾಚರಣೆಯು ಜನವರಿ 25 ರಿಂದ ಫೆಬ್ರವರಿ 28 ರವರೆಗೆ ನಡೆಯಲಿದ್ದು, ಪರಿಷ್ಕರಣಾ ಸುತ್ತು ಮಾರ್ಚ್ 1 ರಿಂದ 5 ರವರೆಗೆ ನಿಗದಿಯಾಗಿದೆ.