ದೊಡ್ಡಗುಂಟದ ದಸರಾ ಪಲ್ಲಕ್ಕಿ ಉತ್ಸವಕ್ಕೆ ಸಂಚಾರ ಮಾರ್ಪಾಡು

ಪುಲಕೇಶಿನಗರ ಬಳಿಯ ದೊಡ್ಡಗುಂಟದಲ್ಲಿರುವ ಲಕ್ಷ್ಮಿ ನಾರಾಯಣಸ್ವಾಮಿ ದೇವಸ್ಥಾನ ಸಮಿತಿ ವತಿಯಿಂದ ಅ.31 ಮತ್ತು ನ.1ರಂದು ದಸರಾ ಪಲ್ಲಕ್ಕಿ ಉತ್ಸವ ಹಮ್ಮಿಕೊಳ್ಳಲಾಗಿದೆ. ಇದರಿಂದಾಗಿ ಸಂಚಾರ ವ್ಯವಸ್ಥೆಯಲ್ಲಿ ಮಾರ್ಪಾಡು ಮಾಡಲಾಗಿದೆ. ನಗರದ ವಿವಿಧೆಡೆಯಿಂದ 40ಕ್ಕೂ ಹೆಚ್ಚು ಬೃಹತ್‌ ದಸರಾ ಪಲ್ಲಕ್ಕಿಗಳು ಬರಲಿವೆ. ಹೀಗಾಗಿ, ಸುಗಮ ಸಂಚಾರದ ದೃಷ್ಟಿಯಿಂದ ಅ.31ರಂದು ಬೆಳಿಗ್ಗೆ 6ರಿಂದ ನ.1ರ ಸಂಜೆ 5ರ ವರೆಗೆ ದೊಡ್ಡಗುಂಟ ಸುತ್ತಮುತ್ತಲ ರಸ್ತೆಗಳ ಸಂಚಾರ ವ್ಯವಸ್ಥೆಯಲ್ಲಿ ಬದಲಾವಣೆ ಮಾಡಲಾಗಿದೆ ಎಂದು ಸಂಚಾರ ಪೊಲೀಸರು ತಿಳಿಸಿದರು.