ಬೆಂಗಳೂರಿನ ಜಿಕೆವಿಕೆ ಕೃಷಿ ಮೇಳದಲ್ಲಿ 3 ಹೊಸ ತಳಿಗಳ ಲೋಕಾರ್ಪಣೆ

ಬೆಂಗಳೂರು ಕೃಷಿ ವಿಶ್ವವಿದ್ಯಾನಿಲಯವು ಹೆಬ್ಬಾಳದ ಜಿಕೆವಿಕೆಯಲ್ಲಿ 13ರಂದು ಆಯೋಜಿಸಲಾಗಲಿರುವ ಕೃಷಿ ಮೇಳದಲ್ಲಿ 3 ಹೊಸ ತಳಿಗಳನ್ನು ಲೋಕಾರ್ಪಣೆ ಮಾಡಲು ಸಿದ್ಧತೆ ನಡೆಸಿದೆ. ಈ ಹೊಸ ತಳಿಗಳಲ್ಲಿ ರಾಗಿ ಜಿಪಿಯು 101, ಮುಸುಕಿನ ಜೋಳ ಎಂಎಎಚ್ 20-45 ಮತ್ತು ಬೀಜದ ದಂಟಿನ ಕೆಬಿಜೆಎ 18 ಸೇರಿವೆ. ಜಿಪಿಯು 101 ರಾಗಿ ತಳಿಯು 110 ರಿಂದ 115 ದಿನಗಳಲ್ಲಿ ಕಟಾವಿಗೆ ಸಿದ್ಧವಾಗಲಿದ್ದು, ಹೆಕ್ಟೇರ್ಗೆ 37 ರಿಂದ 40 ಕ್ವಿಂಟಾಲ್ ಇಳುವರಿ ಮತ್ತು 6.5 ಟನ್ ಮೇವು ನೀಡುತ್ತದೆ. ಮುಸುಕಿನ ಜೋಳ ಎಂಎಎಚ್ 20-45 ತಳಿಯು 125 ರಿಂದ 130 ದಿನಗಳಲ್ಲಿ ಕಟಾವಿಗೆ ಬರಲಿದ್ದು, ಹೆಕ್ಟೇರ್ಗೆ 110 ರಿಂದ 115 ಕ್ವಿಂಟಾಲ್ ಇಳುವರಿ ಮತ್ತು ಎಕರೆಗೆ 18 ರಿಂದ 20 ಟನ್ ಹಸಿರು ಮೇವು ನೀಡುತ್ತದೆ.