ಬೆಂಗಳೂರಿನಲ್ಲಿ ಮೂರು ಬೋಗಿಗಳ ರೈಲು ಸಂಚರಿಸಲಿದೆ, 18 ತಿಂಗಳೊಳಗೆ 51 ರೈಲುಗಳು ನಿರೀಕ್ಷಿಸಲಾಗಿದೆ

ಬೆಂಗಳೂರು ಉಪನಗರ ಸಾರಿಗೆ ಯೋಜನೆಗೆ (ಬಿಎಸ್‌ಟಿಪಿ) ಇನ್ನೊಂದು ವರ್ಷದಲ್ಲಿ ಮೂರು ಬೋಗಿಗಳ ರೈಲುಗಳು ಸಂಚರಿಸಲಿವೆ. 18 ತಿಂಗಳೊಳಗೆ ಈ ರೀತಿಯ 51 ರೈಲುಗಳು ಪೂರೈಕೆಯಾಗಲಿವೆ. ಚಿಕ್ಕಬಾಣಾವರ–ಬೆನ್ನಿಗಾನಹಳ್ಳಿ ಸಂಪರ್ಕಿಸುವ ಕಾರಿಡಾರ್‌–2 ಮಲ್ಲಿಗೆ ಮಾರ್ಗ, ರಾಜಾನುಕುಂಟೆ– ಹೀಲಲಿಗೆ ಸಂಪರ್ಕಿಸುವ ಕಾರಿಡಾರ್‌–4 ಕನಕ ಮಾರ್ಗ ಮತ್ತು ಮೆಜೆಸ್ಟಿಕ್‌–ದೇವನಹಳ್ಳಿ ಸಂಪರ್ಕಿಸುವ ಕಾರಿಡಾರ್‌–1 ಹಾಗೂ ಕೆಂಗೇರಿ–ವೈಟ್‌ಫೀಲ್ಡ್‌ ಸಂಪರ್ಕಿಸುವ ಕಾರಿಡಾರ್‌–3 ಸಂಪಿಗೆ ಮಾರ್ಗಗಳಿಗೆ ರೋಲಿಂಗ್‌ ಸ್ಟಾಕ್‌ ಪೂರೈಕೆಗೆ ಪ್ರತ್ಯೇಕ ಒಪ್ಪಂದ ನಡೆಯಲಿದೆ.