ಬನ್ನೇರುಘಟ್ಟದಲ್ಲಿ ಆಟೊ ಮತ್ತು ಬೈಕ್ ಕಳ್ಳತನ ಪ್ರಕರಣ: ಮೂವರ ಬಂಧನ

ಬನ್ನೇರುಘಟ್ಟ ಪೊಲೀಸರು ಶುಕ್ರವಾರ ಆಟೊ ಮತ್ತು ದ್ವಿಚಕ್ರ ವಾಹನ ಕಳವು ಪ್ರಕರಣದಲ್ಲಿ ಮೂವರನ್ನು ಬಂಧಿಸಿದ್ದಾರೆ. ಪೊಲೀಸರು ನಾಲ್ಕು ಆಟೊ ಮತ್ತು ಮೂರು ದ್ವಿಚಕ್ರ ವಾಹನಗಳನ್ನು ಜಪ್ತಿ ಮಾಡಿದ್ದಾರೆ. ಬಂಧಿತರಾದವರು ಬೆಂಗಳೂರಿನ ಆವಲಹಳ್ಳಿಯ ಮೊಹಮದ್ ಸಿಖಂದರ್‌ (23), ಅರ್ಬಾಜ್ (25), ಮತ್ತು ಶಾಹೀದ್ ಅಲಿಖಾನ್ (23). ಬನ್ನೇರುಘಟ್ಟ ಸಮೀಪದ ಕಾಳೇಶ್ವರಿ ಗ್ರಾಮದಲ್ಲಿ ನಡೆದ ಆಟೊ ಕಳವು ಪ್ರಕರಣದ ತನಿಖೆ ವೇಳೆ ಸಿ.ಸಿ ಟಿ.ವಿ ಕ್ಯಾಮೆರಾ ದೃಶ್ಯಾವಳಿ ಪರಿಶೀಲಿಸುವ ಮೂಲಕ ಆರೋಪಿಗಳನ್ನು ಗುರುತಿಸಿ ಬಂಧಿಸಲಾಗಿದೆ.