ಬೆಂಗಳೂರಿನ ಸೆಮಿಕಂಡಕ್ಟರ್ ಕಂಪನಿಗೆ ಅಮೆರಿಕದ ವೆಕ್ಟರ್ ಲೈನ್ ಕ್ಯಾಪಿಟಲ್‌ನಿಂದ ₹630 ಕೋಟಿ ಬೃಹತ್ ಹೂಡಿಕೆ

ಬೆಂಗಳೂರಿನ ಹೀರೋ ಎಲೆಕ್ಟ್ರಾನಿಕ್ಸ್ ಸಮೂಹದ ಭಾಗವಾಗಿರುವ ಸೆಮಿಕಂಡಕ್ಟರ್ ಎಂಜಿನಿಯರಿಂಗ್ ಕಂಪನಿ ಟೆಸ್ಸಾಲ್ವ್ (Tessolve), ಅಮೆರಿಕ ಮೂಲದ ವೆಕ್ಟರ್ ಲೈನ್ ಕ್ಯಾಪಿಟಲ್ ನಿಂದ 75 ಮಿಲಿಯನ್ ಡಾಲರ್ (ಸುಮಾರು ₹630 ಕೋಟಿ) ಬೃಹತ್ ಹೂಡಿಕೆ ಪಡೆದುಕೊಂಡಿದೆ. ಜಾಗತಿಕ ಸೆಮಿಕಂಡಕ್ಟರ್ ಪೂರೈಕೆ ಸರಪಳಿಯ ಮೇಲೆ ಗಮನ ಹರಿಸುವ ವೆಕ್ಟರ್ ಲೈನ್ ಕ್ಯಾಪಿಟಲ್ ಸಂಸ್ಥೆಗೆ ಇದು ಭಾರತದಲ್ಲಿ ನಡೆದ ಪ್ರಥಮ ಹೂಡಿಕೆಯಾಗಿದೆ. ಈ ನೂತನ ಹೂಡಿಕೆದಾರ ಸಂಸ್ಥೆಯು ಟೆಸ್ಸೋಲ್ವ್ ನ ಅಸ್ತಿತ್ವದಲ್ಲಿರುವ ಪ್ರಮುಖ ಹೂಡಿಕೆದಾರರಾದ 'ಟಿಪಿಜಿ' ಮತ್ತು ಸಿಂಗಾಪುರ ಮೂಲದ 'ನೊವೊ ಟೆಲ್ಲಸ್' ಸಮೂಹದೊಂದಿಗೆ ಸೇರ್ಪಡೆಗೊಂಡಿದೆ.