ಧಾರ್ಮಿಕ ಗ್ರಂಥಗಳ ಅಧ್ಯಯನದಿಂದ ನೆಮ್ಮದಿ: ಶಾಸಕ ಜಗದೀಶ ಗುಡಗುಂಟಿ

ಜಮಖಂಡಿಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಶಾಸಕ ಜಗದೀಶ ಗುಡಗುಂಟಿ ಮಾತನಾಡಿದರು. ಸನಾತನ ಸಂಸ್ಕೃತಿ, ಆಚಾರ, ವಿಚಾರಗಳ ತಿಳುವಳಿಕೆಗೆ ಗ್ರಂಥಗಳ ಅಧ್ಯಯನ ಅವಶ್ಯಕ ಎಂದು ಅವರು ಹೇಳಿದರು. ಬೆಂಗಳೂರಿನ ನಿರಂತರ, ರವೀಂದ್ರ ಪುಸ್ತಕಾಲಯ ಸಾಗರ ಹಾಗೂ ಅನ್ನಪೂರ್ಣಾ ಪಬ್ಲಿಷಿಂಗ್‌ ಹೌಸ್‌ ಸಹಯೋಗದಲ್ಲಿ ಮನೆ ಮನೆಗೆ ರಾಮಾಯಣ, ಮಹಾಭಾರತ, ಭಾಗವತ ಗ್ರಂಥಗಳ ಬಾಗಿನ ಹಾಗೂ ಮಹಿಳೆಯರ ಶೋಭಾಯಾತ್ರೆ ಕಾರ್ಯಕ್ರಮಕ್ಕೆ ಅಧ್ಯಕ್ಷತೆ ವಹಿಸಿದ್ದರು. ಸುಮಾರು 500 ಮಹಿಳೆಯರಿಗೆ ಗ್ರಂಥಗಳ ಬಾಗಿನ ಅರ್ಪಿಸಲಾಯಿತು. ಬೆಂಗಳೂರಿನ ಸಂಸ್ಕೃತ ವಿಶ್ವ ವಿದ್ಯಾಲಯದ ಕುಲಪತಿ ಎಸ್‌, ಅಹಲ್ಯಾ, ವೀಣಾ ಬನ್ನಂಜೆ, ಧರ್ಮಲಿಂಗಯ್ಯ ಗುಡಗುಂಟಿ, ಪಾರ್ವತಿ ಗುಡಗುಂಟಿ ಮಾತನಾಡಿದರು.