ರಾಜ್ಯ ಸರ್ಕಾರಿ ಎಸ್.ಸಿ.,ಎಸ್.ಟಿ ಸಮನ್ವಯ ಕೇಂದ್ರ ಸಮಿತಿ ಅಧ್ಯಕ್ಷರು ಸಾಮಾಜಿಕ ಅಸಮಾನತೆ ಮತ್ತು ಲಿಂಗ ತಾರತಮ್ಯ ಮುಕ್ತ ಭಾರತವೇ ನಮ್ಮ ಗುರಿ

ಬೆಂಗಳೂರಿನ ಎಂ.ಆರ್.ಎ ಕಾಲೇಜು ಆವರಣದಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ರಾಜ್ಯ ಸರ್ಕಾರಿ ಎಸ್.ಸಿ.,ಎಸ್.ಟಿ ಸಮನ್ವಯ ಕೇಂದ್ರ ಸಮಿತಿ ಗೌರವಾಧ್ಯಕ್ಷ ಡಿ. ಶಿವಶಂಕರಯ್ಯ ಅವರು, ಸಮಾಜದಲ್ಲಿಯ ಸಾಮಾಜಿಕ ಅಸಮಾನತೆ ಮತ್ತು ಲಿಂಗ ತಾರತಮ್ಯ ಮುಕ್ತ ಭಾರತವೇ ನಮ್ಮ ಮುಖ್ಯ ಗುರಿಯಾಗಿದೆ ಎಂದು ಹೇಳಿದರು. ಅವರು ಮಾತನಾಡಿ, ರಾಜಕಾರಣಿಗಳು ಲಿಖಿತ ಸಂವಿಧಾನ ಇಲ್ಲವಾಗಿಸಿ, ಅಲಿಖಿತ ಸಂವಿಧಾನ ಜನರ ಮೇಲೆ ಹೇರುವ ಕಾರ್ಯಮಾಡುತ್ತಿದ್ದಾರೆ ಎಂದು ಅಸಮಾಧಾನ ವ್ಯಕ್ತಪಡಿಸಿದರು. ಸಮಾಜದಲ್ಲಿಯ ಸಾಮಾಜಿಕ ಅಸಮಾನತೆ, ಅಸ್ಪೃಶ್ಯತೆ, ಲಿಂಗ ತಾರತಮ್ಯ ಮುಕ್ತ ಭಾರತ ನಮ್ಮದಾಗಬೇಕು ಎಂದು ಅವರು ಒತ್ತಾಯಿಸಿದರು. ಪರಿಶಿಷ್ಟ ಜಾತಿ ಪ್ರಮಾಣ ಪತ್ರ ಪಡೆಯಲು ಆದಾಯ ಮಿತಿ ₹ 2.50 ಲಕ್ಷದಿಂದ ₹15 ಲಕ್ಷದವರೆಗೆ ಹೆಚ್ಚಿಸಬೇಕು ಎಂದು ಅವರು ಬೇಡಿಕೆಗಳನ್ನು ಮಂಡಿಸಿದರು.