ರಾಜ್ಯ ಔಷಧ ನಿಯಂತ್ರಣ ಇಲಾಖೆ ಔಷಧ ಬೆಲೆ ನಿಯಂತ್ರಣಕ್ಕೆ ಕೇಂದ್ರ ಸರ್ಕಾರಕ್ಕೆ ಮನವಿ

ಕೆಲ ಕಂಪನಿಗಳು ಔಷಧಗಳ ನೈಜ ಪೂರೈಕೆ ದರಕ್ಕಿಂತ ಹಲವು ಪಟ್ಟು ಅಧಿಕ ಎಂಆರ್‌ಪಿ (ಗರಿಷ್ಠ ಚಿಲ್ಲರೆ ಬೆಲೆ) ಗೊತ್ತುಪಡಿಸುತ್ತಿರುವುದನ್ನು ಪತ್ತೆ ಮಾಡಿರುವ ರಾಜ್ಯ ಔಷಧ ನಿಯಂತ್ರಣ ಇಲಾಖೆ, ಔಷಧಗಳ ದರ ನಿಯಂತ್ರಣಕ್ಕೆ ಕೇಂದ್ರ ಸರ್ಕಾರಕ್ಕೆ ಮನವಿ ಮಾಡಿದೆ. ಪೂರೈಕೆ ದರ ಹಾಗೂ ಎಂಆರ್‌ಪಿ ನಡುವೆ 52 ಪಟ್ಟಿನವರೆಗೂ ಅಂತರ ಇರುವುದನ್ನು ಇಲಾಖೆ ಗುರುತಿಸಿದೆ. ಇಲಾಖೆ ಆಯುಕ್ತ ಕೆ. ಶ್ರೀನಿವಾಸ್ ಅವರು ರಾಷ್ಟ್ರೀಯ ಔಷಧೀಯ ಬೆಲೆ ನಿಗದಿ ಪ್ರಾಧಿಕಾರದ (ಎನ್‌ಪಿಪಿಎ) ಅಧ್ಯಕ್ಷರಿಗೆ ಇದೇ 24ರಂದು ಪತ್ರ ಬರೆದಿದ್ದಾರೆ.