ಬೆಂಗಳೂರಿನ ಖಾಸಗಿ ಆಸ್ಪತ್ರೆಗಳಲ್ಲಿ ನೈಜ ಬೆಲೆಗಿಂತ 52 ಪಟ್ಟು ಹೆಚ್ಚು ದರಕ್ಕೆ ಔಷಧ ಮಾರಾಟ: ಔಷಧ ಆಡಳಿತ ಇಲಾಖೆಯ ತನಿಖೆಯಲ್ಲಿ ಬಹಿರಂಗ

ಬೆಂಗಳೂರಿನ ಖಾಸಗಿ ಆಸ್ಪತ್ರೆಗಳಲ್ಲಿ ಒಳರೋಗಿಗಳಿಗೆ ನೈಜ ಖರೀದಿ ದರಕ್ಕಿಂತ 52 ಪಟ್ಟು ಅಧಿಕ ಬೆಲೆಯಲ್ಲಿ ಔಷಧಗಳನ್ನು ಮಾರಾಟ ಮಾಡುತ್ತಿರುವುದನ್ನು ರಾಜ್ಯ ಔಷಧ ಆಡಳಿತ ಇಲಾಖೆ ಪತ್ತೆ ಮಾಡಿದೆ. ಕ್ಯಾನ್ಸರ್, ಜ್ವರ ಹಾಗೂ ಐವಿ ಸೆಟ್‌ಗಳಂತಹ 254 ಅತ್ಯಗತ್ಯ ಔಷಧಗಳ ಭಾರಿ ಬೆಲೆ ವ್ಯತ್ಯಾಸದ ಪಟ್ಟಿಯನ್ನು ರಾಷ್ಟ್ರೀಯ ಔಷಧ ಬೆಲೆ ಪ್ರಾಧಿಕಾರಕ್ಕೆ ಕಳುಹಿಸಲಾಗಿದ್ದು, ಬೆಲೆ ನಿಯಂತ್ರಣಕ್ಕೆ ತಜ್ಞರ ಕಾರ್ಯಪಡೆ ರಚಿಸುವಂತೆ ಕೇಂದ್ರಕ್ಕೆ ಪತ್ರ ಬರೆದು ಆಯುಕ್ತ ಕೆ. ಶ್ರೀನಿವಾಸ್ ಆಗ್ರಹಿಸಿದ್ದಾರೆ. ಈ ಮೂಲಕ ಬಿಲ್‌ನಲ್ಲಿ ನೈಜ ಬೆಲೆ ನಮೂದಿಸುವುದು ಹಾಗೂ ಅಕ್ರಮ ಎಂಆರ್‌ಪಿ ವಸೂಲಿ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲು ಕೇಂದ್ರ ಸರ್ಕಾರಕ್ಕೆ ಮನವಿ ಮಾಡಿದ್ದಾರೆ.