ಬೆಂಗಳೂರು ಹೊರವರ್ತುಲ ರಸ್ತೆ ಯೋಜನೆಗೆ ₹1118.50 ಕೋಟಿ ಹೆಚ್ಚುವರಿ ಅನುದಾನದ ಅನುಮೋದನೆ

ಆನೇಕಲ್‌ನಿಂದ ನೆಲಮಂಗಲದವರೆಗಿನ 134 ಕಿ.ಮೀ. ಉದ್ದದ ಬೆಂಗಳೂರು ಹೊರವರ್ತುಲ ರಸ್ತೆ ಕಾಮಗಾರಿ ಪೂರ್ಣಗೊಳಿಸಲು ₹1118.50 ಕೋಟಿ ಹೆಚ್ಚುವರಿ ಅನುದಾನ ಮಂಜೂರು ಮಾಡಲು ರಾಜ್ಯ ಸಚಿವ ಸಂಪುಟ ಸಭೆ ಅನುಮೋದನೆ ನೀಡಿದೆ. ಇದರಿಂದ ಯೋಜನೆಯ ಒಟ್ಟು ವೆಚ್ಚ ₹3,409 ಕೋಟಿಗೆ ಏರಿಕೆಯಾಗಿದೆ. ವರ್ತೂರಿನಲ್ಲಿ 1.92 ಕಿ.ಮೀ. ಉದ್ದದ ಎಲಿವೇಟೆಡ್ ಕಾರಿಡಾರ್ ಹಾಗೂ ಪ್ರಮುಖ ಜಂಕ್ಷನ್‌ಗಳಲ್ಲಿ ಆರು ರೈಲ್ವೆ ಮೇಲ್ಸೇತುವೆಗಳನ್ನು ನಿರ್ಮಿಸಲಾಗುತ್ತಿದ್ದು, ಇದು ಐಟಿ ವಲಯ ಸೇರಿದಂತೆ ಹೊರವಲಯದ ಸಂಚಾರ ದಟ್ಟಣೆಗೆ ಮುಕ್ತಿ ನೀಡಲಿದೆ ಎಂದು ಗ್ರೇಟರ್ ಬೆಂಗಳೂರು ಅಭಿವೃದ್ಧಿ ಸಚಿವ ಕೃಷ್ಣ ಬೈರೇಗೌಡ ತಿಳಿಸಿದ್ದಾರೆ.