ಆನೇಕಲ್‌ನಿಂದ ಸರ್ಜಾಪುರ, ವರ್ತೂರು, ವಿಮಾನ ನಿಲ್ದಾಣ, ನೆಲಮಂಗಲವರೆಗಿನ 134 ಕಿ.ಮೀ ರಸ್ತೆ ಯೋಜನೆಗೆ ರಾಜ್ಯ ಸಂಪುಟದ ಅನುಮೋದನೆ

ಆನೇಕಲ್‌ನಿಂದ ಸರ್ಜಾಪುರ, ವರ್ತೂರು, ವಿಮಾನ ನಿಲ್ದಾಣ, ನೆಲಮಂಗಲವರೆಗಿನ 134 ಕಿ.ಮೀ ರಸ್ತೆ ಯೋಜನೆಗೆ 1,118.50 ಕೋಟಿ ಹೆಚ್ಚುವರಿ ಅನುದಾನವನ್ನು ರಾಜ್ಯ ಸಚಿವ ಸಂಪುಟ ಮಂಜೂರು ಮಾಡಿದೆ. ಬೆಂಗಳೂರು ನಗರದ ಸುತ್ತಮುತ್ತಲಿನ ಸಂಚಾರ ದಟ್ಟಣೆ ನಿಯಂತ್ರಿಸುವಲ್ಲಿ ಇದು ಪ್ರಮುಖ ಪಾತ್ರ ವಹಿಸಲಿದೆ. ಈ ಯೋಜನೆಯ ಭಾಗವಾಗಿ ವರ್ತೂರಿನಲ್ಲಿ 1.92 ಕಿ.ಮೀ ವ್ಯಾಪ್ತಿಯ ಎಲಿವೇಟೆಡ್ ಕಾರಿಡಾರ್ ನಿರ್ಮಾಣಗೊಳ್ಳಲಿದೆ. ಅಲ್ಲದೆ, ಕಾಡುಗೋಡಿ ಮತ್ತು ವರ್ತೂರು ಜಂಕ್ಷನ್ ಸೇರಿದಂತೆ ಪ್ರಮುಖ ಸ್ಥಳಗಳಲ್ಲಿ ರೈಲ್ವೆ ಕ್ರಾಸಿಂಗ್ ಫ್ಲೈಓವರ್‌ಗಳು ನಿರ್ಮಾಣಗೊಳ್ಳಲಿವೆ.