ಸ್ಪರ್ಶ್ ಆಸ್ಪತ್ರೆಯಲ್ಲಿ ನ್ಯೂರೊ ಐಸಿಯು ಘಟಕಕ್ಕೆ ಚಾಲನೆ

ಬೆಂಗಳೂರಿನ ಸ್ಪರ್ಶ್ ಆಸ್ಪತ್ರೆಯಲ್ಲಿ ಪಾರ್ಶ್ವವಾಯು, ಮಿದುಳು ಮತ್ತು ಬೆನ್ನುಹುರಿಯ ಗಂಭೀರ ಗಾಯಗಳು ಸೇರಿ ನರರೋಗಗಳ ಚಿಕಿತ್ಸೆಗೆ 'ನ್ಯೂರೊ ಐಸಿಯು' ಘಟಕಕ್ಕೆ ಚಾಲನೆ ನೀಡಲಾಯಿತು. ಹತ್ತು ಹಾಸಿಗೆಗಳನ್ನು ಒಳಗೊಂಡ ಈ ನೂತನ ಘಟಕವನ್ನು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯ ಯು.ಆರ್. ರಾವ್ ಉಪಗ್ರಹ ಕೇಂದ್ರದ ಉಪನಿರ್ದೇಶಕ ಡಾ.ಎಸ್. ವೆಂಕಟೇಶ್ವರ ಶರ್ಮಾ ಉದ್ಘಾಟಿಸಿದರು. ಈ ಘಟಕವು ಮೂರ್ಛೆ ರೋಗ, ಮಿದುಳಿನ ಸೋಂಕು, ‘ಗಿಲ್ಲನ್-ಬ್ಯಾರೆ ಸಿಂಡ್ರೋಮ್’ ಹಾಗೂ ‘ಮೈಸ್ತೇನಿಯಾ ಗ್ರ್ಯಾವಿಸ್’ನಂತಹ ಸಂಕೀರ್ಣ ನರರೋಗಗಳ ತುರ್ತು ಚಿಕಿತ್ಸೆಗೆ ಸಹಕಾರಿಯಾಗಿದೆ.