ಬೆಂಗಳೂರಿನ ಮೂಲಕ ಸಂಚರಿಸುವ 19 ರೈಲುಗಳ ಆಗಮನ-ನಿರ್ಗಮನ ಸಮಯ ಬದಲಿಸಿದ ನೈಋತ್ಯ ರೈಲ್ವೆ

ಬೆಂಗಳೂರಿನ ಪ್ರಮುಖ ರೈಲು ನಿಲ್ದಾಣಗಳ ಮೂಲಕ ಸಂಚರಿಸುವ ಒಟ್ಟು 19 ರೈಲುಗಳ ಆಗಮನ ಹಾಗೂ ನಿರ್ಗಮನ ಸಮಯವನ್ನು ನೈಋತ್ಯ ರೈಲ್ವೆ ವಿಭಾಗವು ಪರಿಷ್ಕರಿಸಿದೆ. ಇದರಲ್ಲಿ ಬೆಂಗಳೂರು ನಗರದಾದ್ಯಂತ ಕಾರ್ಯಾಚರಿಸುವ 13 ಪ್ರಮುಖ ರೈಲುಗಳು ಸೇರಿವೆ. ಮುಖ್ಯವಾಗಿ, ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ (ಕೆಎಸ್ ಆರ್) ಬೆಂಗಳೂರು ನಿಲ್ದಾಣದಿಂದ ಮುಂಬೈಗೆ ಸಂಪರ್ಕ ಕಲ್ಪಿಸುವ ಜನಪ್ರಿಯ ಉದ್ಯಾನ ಎಕ್ಸ್ ಪ್ರೆಸ್' ರೈಲಿನ ನಿರ್ಗಮನ ಸಮಯದಲ್ಲೂ ಪ್ರಮುಖ ಮಾರ್ಪಾಡು ಮಾಡಲಾಗಿದೆ. ಈ ಹೊಸ ವೇಳಾಪಟ್ಟಿ ನವೆಂಬರ್ 11 ರಿಂದ ಜಾರಿಗೆ ಬರಲಿದೆ.