ಸಿಂಚಲ್‌ ಕಾವೇರಮ್ಮ ದೆಹಲಿ ರಾಷ್ಟ್ರೀಯ ಓಪನ್‌ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನಲ್ಲಿ ಮಹಿಳೆಯರ 400 ಮೀ ಹರ್ಡಲ್ಸ್‌ನಲ್ಲಿ ಚಿನ್ನದ ಪದಕ ಗೆದ್ದರು

ಬೆಂಗಳೂರಿನ ಕನ್ನಡತಿ ಸಿಂಚಲ್‌ ಕಾವೇರಮ್ಮ ಅವರು ದೆಹಲಿಯಲ್ಲಿ ಭಾನುವಾರ ಮುಕ್ತಾಯವಾದ ರಾಷ್ಟ್ರೀಯ ಓಪನ್‌ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನಲ್ಲಿ ಮಹಿಳೆಯರ 400 ಮೀ ಹರ್ಡಲ್ಸ್‌ನಲ್ಲಿ ಚಿನ್ನದ ಪದಕ ಗೆದ್ದುಕೊಂಡರು. ರೈಲ್ವೆ ತಂಡವನ್ನು ಪ್ರತಿನಿಧಿಸಿ, ಸಿಂಚಲ್‌ ಅವರು 58.40 ಸೆಕೆಂಡುಗಳಲ್ಲಿ ಅಗ್ರಸ್ಥಾನ ಗಳಿಸಿದರು. ಹರ್ಷಿತಾ ಆರ್. ಬೆಳ್ಳಿ ಪದಕ (59.51 ಸೆ.) ಪಡೆದರೆ, ಕರ್ನಾಟಕದ ದೀಕ್ಷಿತಾ ಆರ್. ಗೌಡ (59.57 ಸೆ.) ಅವರು ಕಂಚಿನ ಪದಕ ಗಳಿಸಿದರು.