ಸಂಸದ, ಶಾಸಕಿ ವಿರುದ್ಧ ಪ್ರತಿಭಟನೆಗೆ ನಿರ್ಧಾರ

ಸಂಸದ, ಶಾಸಕಿ ವಿರುದ್ಧ ಪ್ರತಿಭಟನೆಗೆ ನಿರ್ಧಾರ

ಸೇವ್ ಕೆಜಿಎಫ್ ಯುನೈಟೆಡ್ ಫ್ರಂಟ್ ಸಮಿತಿ ಪದಾಧಿಕಾರಿಗಳು, ಸಂಸದ ಮತ್ತು ಶಾಸಕಿ ವಿರುದ್ಧ ಶೀಘ್ರದಲ್ಲೇ ರಾಬರ್ಟಸನ್ ಪೇಟೆಯಲ್ಲಿ ಬೃಹತ್ ಪ್ರತಿಭಟನೆ ನಡೆಸಲಿದ್ದಾರೆ ಎಂದು ತಿಳಿಸಿದ್ದಾರೆ. ಸಮಿತಿಯ ಅಧ್ಯಕ್ಷ ಜ್ಯೋತಿಬಸು ಮಾತನಾಡಿ, ಊರಿಗಾಂನಲ್ಲಿ ರೈಲ್ವೆ ಮೇಲ್ಸೇತುವೆ ನಿರ್ಮಾಣ ಅಂಗವಾಗಿ ಇಪ್ಪತ್ತೊಂದು ಮನೆಗಳನ್ನು ಅಕ್ರಮವಾಗಿ ತೆರವು ಮಾಡಲಾಗಿದೆ ಎಂದರು. ಅಲ್ಲದೆ, ಒಂದು ಲಕ್ಷ ಸಹಿಯುಳ್ಳ ಮನವಿಯನ್ನು ಪ್ರತಿಭಟನೆ ದಿನದಂದು ಕೇಂದ್ರ ಸರ್ಕಾರಕ್ಕೆ ಸಲ್ಲಿಸಲಾಗುವುದು ಎಂದು ಅವರು ತಿಳಿಸಿದರು.