ಬೆಂಗಳೂರಿನ ಮುಚ್ಚಿದ ರಾಜಕಾಲುವೆಗಳ ಬ್ಲಾಕೇಜ್, ಪ್ರವಾಹ ಸಮಸ್ಯೆಗೆ ರೊಬೊಟಿಕ್ ಯಂತ್ರದ ಪರಿಹಾರ

ಬೆಂಗಳೂರಿನ ಎಚ್ ಎಸ್ ಆರ್ ಲೇಔಟ್‌ನಲ್ಲಿ ಮುಚ್ಚಿದ ರಾಜಕಾಲುವೆಗಳ ಸ್ವಚ್ಛತೆಗಾಗಿ ಸೂಪರ್ ಸಕ್ಷನ್ ರೊಬೊಟಿಕ್ ಯಂತ್ರದ ಪ್ರಾಯೋಗಿಕ ಕಾರ್ಯಕ್ಕೆ ಚಾಲನೆ ನೀಡಲಾಯಿತು. ಈ ಕಾರ್ಯಾಚರಣೆಯು ಎಚ್ ಎಸ್ ಆರ್ ಲೇಔಟ್‌ನ 7ನೇ ಸೆಕ್ಟರ್, 17ನೇ ಕ್ರಾಸ್ ಮತ್ತು ಸುತ್ತಮುತ್ತಲಿನ ಪ್ರದೇಶದಲ್ಲಿ ನಡೆಯಿತು. 6 ಗಂಟೆಗಳ ಕಾರ್ಯಾಚರಣೆಯ ನಂತರ, 6 ಅಡಿ ಅಗಲ ಮತ್ತು 30 ಅಡಿ ಉದ್ದದ ಪ್ರದೇಶದಲ್ಲಿ ಸಂಗ್ರಹವಾಗಿದ್ದ ಹೂಳು ಮತ್ತು ಕೆಸರು ಯಶಸ್ವಿಯಾಗಿ ತೆರವುಗೊಳಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಆರ್ಯನ್ ಸಂಸ್ಥೆಯ ಈ ಯಂತ್ರವು 30 ಮೀಟರ್ ವರೆಗೆ ಸ್ವಚ್ಛಗೊಳಿಸುವ ಸಾಮರ್ಥ್ಯ ಹೊಂದಿದೆ ಮತ್ತು 8000 ಲೀಟರ್ ಸಾಮರ್ಥ್ಯದಲ್ಲಿ ಹೂಳು ಮತ್ತು ನೀರನ್ನು ಪ್ರತ್ಯೇಕವಾಗಿ ಸಂಗ್ರಹಿಸುತ್ತದೆ.