ಬೆಂಗಳೂರಿನ ರೇವಾ ವಿಶ್ವವಿದ್ಯಾಲಯದಲ್ಲಿ ವಿಶ್ವ ವಾಸ್ತುಶಿಲ್ಪ ದಿನಾಚರಣೆ

ರೇವಾ ವಿಶ್ವವಿದ್ಯಾಲಯದ ಕುಲಾಧಿಪತಿ ಡಾ.ಪಿ. ಶ್ಯಾಮರಾಜು ಅವರು ಗುರುವಾರ ಆಯೋಜಿಸಿದ್ದ ವಿಶ್ವ ವಾಸ್ತುಶಿಲ್ಪ ದಿನಾಚರಣೆಯಲ್ಲಿ ಮಾತನಾಡಿದರು. ದೇಶದ ಪ್ರಗತಿಯಲ್ಲಿ ಶಿಕ್ಷಣ, ವೈದ್ಯಕೀಯ ಮತ್ತು ವ್ಯವಸಾಯ ಪ್ರಮುಖ ಪಾತ್ರ ವಹಿಸುತ್ತವೆ ಎಂದು ಅವರು ಹೇಳಿದರು. ವಾಸ್ತುಶಿಲ್ಪಿ ವಿನು ಡೇನಿಯಲ್ ಅವರು ವಾಸ್ತುಶಿಲ್ಪ ಶಿಕ್ಷಣವು ಕೇವಲ ಪಠ್ಯ ಮತ್ತು ವಿನ್ಯಾಸಕ್ಕೆ ಸೀಮಿತವಾಗಿರದೆ, ನಿರ್ಮಾಣ ಸ್ಥಳದ ಅನುಭವ, ಸಾಂಪ್ರದಾಯಿಕ ಕೌಶಲ ಮತ್ತು ಸುಸ್ಥಿರ ನಿರ್ಮಾಣ ವಿಧಾನಗಳನ್ನು ಒಳಗೊಂಡಿರಬೇಕು ಎಂದು ತಿಳಿಸಿದರು. ಕಾರ್ಯಕ್ರಮದ ಅಂಗವಾಗಿ ಕೈಗೊಂಬೆ ತಯಾರಿಕೆ ಕಾರ್ಯಾಗಾರ ಹಾಗೂ ಆಂಧ್ರಪ್ರದೇಶದ ಸಾಂಪ್ರದಾಯಿಕ ಚರ್ಮದ ನೆರಳುಗೊಂಬೆ ಕಲೆ ‘ತೋಲು ಬೊಮ್ಮಲಾಟ’ ಪ್ರದರ್ಶನ ನಡೆಯಿತು.