ಇ-ಕೆವಸಿಗಾಗಿ ಹಣ ಪಡೆದ ರೇಷನ್ ಅಂಗಡಿಯ ಪರವಾನಗಿ ರದ್ದು

ಆಹಾರ ಸಚಿವ ರಿಜ್ವಾನ್‌ ಅರ್ಷದ್ ಅವರು, ಬೆಂಗಳೂರು ದಕ್ಷಿಣ ವಲಯದ ಚಂದ್ರಪ್ಪನಗರದ ಒಂದು ರೇಷನ್ ಅಂಗಡಿಯ ಪರವಾನಗಿ, ಇ-ಕೆವಸಿಗಾಗಿ ಹಣ ಪಡೆದ ಕಾರಣ ರದ್ದುಪಡಿಸಲಾಗಿದೆ ಎಂದು ತಿಳಿಸಿದ್ದಾರೆ. ಅಕ್ಟೋಬರ್ 2ರಂದು ಬಸವರಾಜಸ್ವಾಮಿ ಎಂಬುವವರ ಇ-ಕೆವಸಿ ಮಾಡಿಕೊಡಲು ಅಂಗಡಿ ಕಾರ್ಯದರ್ಶಿ ಫೋನ್-ಪೇ ಮೂಲಕ ₹500 ಪಡೆದಿದ್ದರು. ದೂರಿನ ಆಧಾರದ ಮೇಲೆ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲಿಸಿದಾಗ, ಅಂಗಡಿಯಲ್ಲಿ ದರಪಟ್ಟಿ, ದಾಸ್ತಾನು ಫಲಕ, ಆಹಾರ ಧಾನ್ಯಗಳ ಮಾದರಿಗಳನ್ನು ಪ್ರದರ್ಶಿಸಿರಲಿಲ್ಲ. ಈ ಬಗ್ಗೆ ಪರವಾನಗಿದಾರರು ಸಮರ್ಪಕ ಉತ್ತರ ನೀಡದ ಕಾರಣ ಕ್ರಮ ತೆಗೆದುಕೊಳ್ಳಲಾಗಿದೆ.