ಲಾಲ್‌ಬಾಗ್‌ನಲ್ಲಿ ಸಿಂಗಾಪುರ ಮಾದರಿಯ ಮಳೆಕಾಡಿನ ಸಸ್ಯೋದ್ಯಾನ: ಬೆಂಗಳೂರಿನಲ್ಲಿ ಕೊಡಗು,ಊಟಿ ರೀತಿ ವಾತಾವರಣ

ಸಿಲಿಕಾನ್ ಸಿಟಿ ಬೆಂಗಳೂರಿನ ಹೃದಯಭಾಗದಲ್ಲಿರುವ ಐತಿಹಾಸಿಕ ಲಾಲ್‌ಬಾಗ್‌ಗೆ ಸಿಂಗಾಪುರದ ಗಾರ್ಡನ್ಸ್ ಬೈ ದಿ ಬೇ ಮಾದರಿಯಲ್ಲಿ ಮಳೆಕಾಡಿನ ಅನುಭವ ನೀಡುವ ವಿಶೇಷ ಸಸ್ಯೋದ್ಯಾನ ನಿರ್ಮಾಣವಾಗುತ್ತಿದೆ. ಬರೋಬ್ಬರಿ ಎರಡೂವರೆ ಎಕರೆ ಪ್ರದೇಶದಲ್ಲಿ 250ಕ್ಕೂ ಹೆಚ್ಚು ಅಪರೂಪದ ಸಸ್ಯ ಪ್ರಭೇದಗಳನ್ನು ಬೆಳೆಸಲಾಗುತ್ತಿದ್ದು, ಇದು ಕೊಡಗು, ಊಟಿಯ ತಂಪಾದ ವಾತಾವರಣವನ್ನು ಬೆಂಗಳೂರಿನಲ್ಲೇ ಸೃಷ್ಟಿಸುವ ಪ್ರಯತ್ನವಾಗಿದೆ. ಸುಮಾರು 50 ಲಕ್ಷ ವೆಚ್ಚದಲ್ಲಿ ಈ ಉದ್ಯಾನವನದಲ್ಲಿ ಜರ್ಮನ್ ಫೈನ್ ನಾಜಲ್ ಪೈಪ್‌ಗಳನ್ನು ಅಳವಡಿಸಿ ನಿರಂತರ ಮಂಜಿನ ವಾತಾವರಣ ಸೃಷ್ಟಿಸಲಾಗುತ್ತದೆ. ಆರ್ಕಿಡ್‌ಗಳು, ಲಿಲ್ಲಿ, ಫರ್ನ್ಸ್, ಫಿಲೋಡೆಂಡ್ರಾನ್, ಅಲೋಕೇಶಿಯಾ ಸೇರಿದಂತೆ ಹಲವು ವೈವಿಧ್ಯಮಯ ಸಸ್ಯಗಳನ್ನು ಇಲ್ಲಿ ಬೆಳೆಸಲಾಗುತ್ತಿದೆ.