ಹಾಲು ಮತ್ತು ಮೊಸರು ದರ ಏರಿಕೆಗೆ ಖಂಡಿಸಿ ಬೆಂಗಳೂರಿನಲ್ಲಿ ಪ್ರತಿಭಟನೆ

ಹಾಲು ಮತ್ತು ಮೊಸರು ದರ ಏರಿಕೆಗೆ ಖಂಡಿಸಿ ಸೋಷಲಿಸ್ಟ್‌ ಯೂನಿಟಿ ಸೆಂಟರ್‌ ಆಫ್‌ ಇಂಡಿಯಾದಿಂದ (ಕಮ್ಯುನಿಸ್ಟ್‌) ಶನಿವಾರ ಬೆಂಗಳೂರಿನ ಸ್ವಾತಂತ್ರ್ಯ ಉದ್ಯಾನದಲ್ಲಿ ಪ್ರತಿಭಟನೆ ನಡೆಯಿತು. ಪ್ರತಿಭಟನಕಾರರು ರಾಜ್ಯ ಸರ್ಕಾರದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿ, ದರ ಏರಿಕೆಯು 'ಹಗಲು ದರೋಡೆ' ಎಂದು ಆರೋಪಿಸಿದರು. ರೈತರ ಹಿತಾಸಕ್ತಿ ಕಾಪಾಡಲು ಬಜೆಟ್‌ನಲ್ಲಿ ಹಾಲಿನ ದರವನ್ನು ಸರಿದೂಗಿಸಲು ಮತ್ತು ಮೇವು, ಪಶು ಆಹಾರ ಇತ್ಯಾದಿಗಳನ್ನು ರಿಯಾಯಿತಿ ದರದಲ್ಲಿ ಪೂರೈಸಲು ಆಗ್ರಹಿಸಲಾಯಿತು.