ಕನ್ನಮಂಗಲದ ಗಾಂಧಿ ಶತಮಾನೋತ್ಸವ ತೋಟದ ಜಾಗ ಒತ್ತುವರಿ ಕುರಿತು ಪ್ರತಿಭಟನೆ

ಕನ್ನಮಂಗಲದ ಗಾಂಧಿ ಶತಮಾನೋತ್ಸವ ತೋಟದ ಜಾಗ ಒತ್ತುವರಿ ಕುರಿತು ದಲಿತಪರ ಹಾಗೂ ಪ್ರಗತಿಪರ ಸಂಘಟನೆಗಳ ಮುಖಂಡರು ಶುಕ್ರವಾರ ಪ್ರತಿಭಟನೆ ನಡೆಸಿದರು. ಗಾಂಧಿ ಶತಮಾನೋತ್ಸವ ತೋಟದ ಜಾಗವನ್ನು ಕೆಲ ರಾಜಕೀಯ ಮುಖಂಡರು, ಪ್ರಭಾವಿಗಳು ಮತ್ತು ಖಾಸಗಿ ವ್ಯಕ್ತಿಗಳು ಒತ್ತುವರಿ ಮಾಡಿಕೊಂಡಿದ್ದಾರೆ ಎಂದು ಅವರು ಆರೋಪಿಸಿದರು. ತೋಟದ ಮೂಲಸ್ವರೂಪ ಉಳಿಸಿ, ಒತ್ತುವರಿ ತೆರವುಗೊಳಿಸಲು ವಿಶೇಷ ತನಿಖಾ ತಂಡ ರಚಿಸಬೇಕು ಎಂದು ಅವರು ಒತ್ತಾಯಿಸಿದರು.