ಪ್ರಿಯಾಂಕ್ ಖರ್ಗೆ 'ಹಳ್ಳಿಗುಗ್ಗು' ಆಡುಭಾಷೆ ಎಂದು ಸಮರ್ಥನೆ

ಪ್ರಿಯಾಂಕ್ ಖರ್ಗೆ 'ಕುಮಾರಸ್ವಾಮಿ ಹಳ್ಳಿಗುಗ್ಗು' ಎಂಬ ಹೇಳಿಕೆಯನ್ನ ಮತ್ತೊಮ್ಮೆ ಆಡುಭಾಷೆ ಎಂದು ಸಮರ್ಥನೆ ಮಾಡಿಕೊಂಡಿದ್ದಾರೆ. ಜೆಡಿಎಸ್ ಅಭಿಯಾನದ ವಿಚಾರಕ್ಕೆ ಪ್ರತಿಕ್ರಿಯೆ ನೀಡಿದ ಅವರು, ಜೆಡಿಎಸ್ ಅಭಿಯಾನ ಮಾಡಲಿ ಎಂದರು. 'ದಲಿತ ಬಲಿತಾ' ಎಂದು ಹೇಳಿದಾಗ ಯಾರು ಯಾಕೆ ಕೇಳಲಿಲ್ಲ ಎಂದು ಪ್ರಶ್ನಿಸಿದರು. ಸಿಎಂ ಮತ್ತು ಕೇಂದ್ರ ಸಚಿವರು ಮೂರ್ಖರಂತೆ ಮಾತನಾಡಿದ್ದಾರೆ ಎಂದು ಪ್ರಶ್ನಿಸಿದರು. 'ಹಳ್ಳಿಗುಗ್ಗು' ಏನಿವಾಗ ಅಭಿಯಾನ ಮಾಡಲಿ. ಗುಗ್ಗು ಗುಗ್ಗುನೇ. ಗುಗ್ಗು ಎಲ್ಲೇ ಇದ್ದರೂ ಗುಗ್ಗುನೇ. ಹಳ್ಳಿಯಾದರೂ ಅಷ್ಟೇ, ನಗರವಾದರೂ ಗುಗ್ಗುನೇ. ನಿಮ್ಮ ಮೂರ್ಖತನ ಪ್ರದರ್ಶನ ಮಾಡಬೇಡಿ' ಎಂದು ಹೇಳಿದ್ದಾರೆ.