ಪ್ರಾಂಶುಪಾಲರು ಪಠ್ಯೇತರ ಚಟುವಟಿಕೆಗಳ ಮಹತ್ವದ ಕುರಿತು ಸಲಹೆ; ಕಾಲೇಜು ಕಾರ್ಯಕ್ರಮದಲ್ಲಿ ವಿದ್ಯಾರ್ಥಿಗಳ ಸನ್ಮಾನ

ಪ್ರಾಂಶುಪಾಲ ಸಿ.ಕೆ.ಕೊಟ್ರಪ್ಪ ಅವರು ವಿದ್ಯಾರ್ಥಿಗಳು ಪಠ್ಯ ಚಟುವಟಿಕೆಗಳಿಗೆ ಸೀಮಿತರಾಗದೆ ಕ್ರೀಡೆ, ಸಾಹಿತ್ಯ, ಸಂಗೀತದಂತಹ ಪಠ್ಯೇತರ ಚಟುವಟಿಕೆಗಳಿಗೂ ಮಹತ್ವ ಕೊಡಬೇಕು ಎಂದು ಸಲಹೆ ನೀಡಿದರು. ಪಟ್ಟಣದ ಸರ್ಕಾರಿ ಪ್ರಥಮದರ್ಜೆ ಕಾಲೇಜಿನಲ್ಲಿ ಪ್ರಸಕ್ತ ಸಾಲಿನ ಸಾಂಸ್ಕೃತಿಕ, ಕ್ರೀಡೆ, ರಾಷ್ಟ್ರೀಯ ಸೇವಾ ಯೋಜನೆ, ರೋವರ್ಸ್ ಹಾಗೂ ಯುವ ರೆಡ್‌ಕ್ರಾಸ್ ಘಟಕಗಳಿಗೆ ಚಾಲನೆ ನೀಡಿ ಮಾತನಾಡಿದರು. ರಾಜ್ಯ ಪ್ರಶಸ್ತಿ ಪಡೆದ ಚಿನ್ಮೂಲಾದ್ರಿ ರೋವರ್ ಘಟಕದ ವಿದ್ಯಾರ್ಥಿಗಳಾದ ಸಿ.ವಿ.ಧೀರಜ್, ಎನ್.ಮೈಲಾರಪ್ಪ, ರವಿಕುಮಾರ್, ಆಕಾಶ್, ಪವನ್, ಸಂತೋಷ್ ಕುಮಾರ್, ದರ್ಶನ್, ಚಂದು, ಅವಿನಾಶ್ ಹಾಗೂ ಹೇಮಂತ್ ಅವರನ್ನು ಸನ್ಮಾನಿಸಲಾಯಿತು. ರಸಪ್ರಶ್ನೆ ಸ್ಪರ್ಧೆಯಲ್ಲಿ ₹ 5,000 ನಗದು ಬಹುಮಾನ ಪಡೆದ ಬಿ.ಎಸ್ಸಿ (ದ್ವಿತೀಯ) ವಿದ್ಯಾರ್ಥಿನಿ ಎಂ.ಯಶಸ್ವಿನಿ ಮತ್ತು ಬೇಸಿಕ್ಸ್ ಆಫ್ ಬ್ಯುಸಿನೆಸ್ ವಿಷಯದಲ್ಲಿ ಶೇ 100 ಅಂಕ ಗಳಿಸಿದ ಬಿಕಾಂ (ತೃತೀಯ) ವಿದ್ಯಾರ್ಥಿನಿ ಟಿ.ದಿವ್ಯಾ ಅವರನ್ನು ಅಭಿನಂದಿಸಲಾಯಿತು.