ಕಿವಿ ಗಾಯದ ಚಿಕಿತ್ಸೆಗೆಂದು ಬಂದ ಮಗುವನ್ನು ಕೋಮಾಗೆ ತಂದಿದ್ದ ಆಸ್ಪತ್ರೆ ವಿರುದ್ಧ ಪೋಷಕರ ಆರೋಪ

ಕಿವಿ ಗಾಯದ ಚಿಕಿತ್ಸೆಗೆಂದು ಆಸ್ಪತ್ರೆಗೆ ಕರೆದೊಯ್ದ ಮಗು ಕೋಮಾಗೆ ಹೋಗಿದೆ ಎಂದು ಪೋಷಕರು ಆರೋಪಿಸಿದ್ದಾರೆ. ಬೆಂಗಳೂರಿನ ನಾಗರಬಾವಿಯ ಕ್ಲೌಡ್ ನೈನ್ ಆಸ್ಪತ್ರೆಯ ವೈದ್ಯರು ಮಗುವನ್ನು ಕೋಮಾ ಸ್ಥಿತಿಗೆ ತಂದಿದ್ದಾರೆ ಎಂದು ಪೋಷಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಶಯಾನ್ ಎಂಬ 1 ವರ್ಷ 2 ತಿಂಗಳ ಮಗುವನ್ನು ಆಸ್ಪತ್ರೆಗೆ ಕರೆತಂದ ಪೋಷಕರು, ವೈದ್ಯರು ಯಡವಟ್ಟು ಮಾಡಿದ್ದಾರೆ ಎಂದು ಗಂಭೀರ ಆರೋಪ ಮಾಡಿದ್ದಾರೆ. ಮಗುವಿನ ಪೋಷಕರು ಅನಸ್ತೇಶಿಯಾ ಓವರ್ ಡೋಸ್‌ನಿಂದ ಮಗು ಕೋಮಾಗೆ ಹೋಗಿದೆ ಮತ್ತು ತಜ್ಞರಿಲ್ಲದೇ ಅನಸ್ತೇಶಿಯಾ ನೀಡಿದ್ದಾರೆ ಎಂದು ಆರೋಪಿಸಿದ್ದಾರೆ.