ನಗರದಲ್ಲಿ ತುಂಬಿದ್ದು 30 ಕೆರೆಗಳಷ್ಟೇ

ಮುಂಗಾರು ಮಳೆ ವಾಡಿಕೆಗಿಂತ ಶೇ 43ರಷ್ಟು ಕೊರತೆಯಾಗಿರುವುದರಿಂದ ಮತ್ತು ಕೆಲವು ಕೆರೆಗಳಲ್ಲಿ ವರ್ಷದ ಹಿಂದೆ ಆರಂಭವಾದ ಅಭಿವೃದ್ಧಿ ಕಾರ್ಯಗಳು ಮುಗಿಯದೇ ಇರುವುದರಿಂದ 183 ಕೆರೆಗಳಲ್ಲಿ 30 ಕೆರೆಗಳಷ್ಟೇ ತುಂಬಿದ್ದು, ಏಳು ಕೆರೆಯಲ್ಲಿ ನೀರೇ ಇಲ್ಲದಂತಾಗಿದೆ. 2023ರಲ್ಲಿ 190 ಕೆರೆಗಳ ಅಂಕಿ–ಅಂಶ ಹೊಂದಿದ್ದ ಬಿಬಿಎಂಪಿ, ಜಿಬಿಎ ಆದ ಮೇಲೆ ಅವುಗಳ ಸಂಖ್ಯೆಯನ್ನು 183ಕ್ಕೆ ಸೀಮಿತಗೊಳಿಸಿಕೊಂಡಿದೆ. ಕೆರೆಗಳಲ್ಲಿ ಮಾಲಿನ್ಯ ತುಂಬಿ ತುಳುಕುತ್ತಿದೆ ಮತ್ತು ಇಲಾಖೆಗಳ ನಡುವಿನ ಸಮನ್ವಯ ಕೊರತೆ ನೀಗಿಲ್ಲ.