ನಿರ್ಮಾಣ ಯಕ್ಷ ಬಳಗ ಬೆಂಗಳೂರಿನಲ್ಲಿ ತಾಳಮದ್ದಳೆ ಅರ್ಥಗಾರಿಕೆ ಸ್ಪರ್ಧೆ ಆಯೋಜನೆ

ನಿರ್ಮಾಣ ಯಕ್ಷ ಬಳಗವು 'ನುಡಿ ಕಥನ' ಶೀರ್ಷಿಕೆಯಡಿ ಹವ್ಯಾಸಿ ಕಲಾವಿದರಿಗಾಗಿ ಯಕ್ಷಗಾನ ತಾಳಮದ್ದಳೆ ಅರ್ಥಗಾರಿಕೆ ಸ್ಪರ್ಧೆಯನ್ನು ಆಯೋಜಿಸಿದೆ. 'ತಿಂಗಳ ತಿರುಳು ತಾಳಮದ್ದಳೆ ಸರಣಿಯ ಸುವರ್ಣ ಸಂಭ್ರಮದ' ಭಾಗವಾಗಿ ಈ ಸ್ಪರ್ಧೆ ನಡೆಯಲಿದೆ. ರಾಜ್ಯಮಟ್ಟದ ಹವ್ಯಾಸಿ ತಾಳಮದ್ದಳೆ ಉತ್ಸವವು 6ರಂದು ಬಸವನಗುಡಿಯ ನ್ಯಾಷನಲ್ ಕಾಲೇಜಿನ ಡಾ.ಎಚ್.ಎನ್. ಮಲ್ಟಿಮೀಡಿಯಾ ಸಭಾಂಗಣದಲ್ಲಿ ನಡೆಯಲಿದೆ. ಸ್ಪರ್ಧೆಗೆ ಹೆಸರು ನೋಂದಾಯಿಸಲು ಇಂದೇ ಕೊನೆಯ ದಿನವಾಗಿದ್ದು, ನಿಗದಿತ ಸಮಯದ ನಂತರ ನೋಂದಣಿ ಪೋರ್ಟಲ್ ಸಂಪೂರ್ಣ ನಿಷ್ಕ್ರಿಯಗೊಳ್ಳಲಿದೆ ಎಂದು ಪ್ರಕಟಣೆ ತಿಳಿಸಿದೆ.