ಬೆಂಗಳೂರಿನ ಪೊಲೀಸರ ಮೇಲೆ ಹಲ್ಲೆ ನಡೆಸಿದ ನೈಜೀರಿಯಾ ಪ್ರಜೆ ಸೆರೆ

ಮದನಾಯಕನಹಳ್ಳಿ ಪೊಲೀಸರು ಪೊಲೀಸರ ಮೇಲೆ ಹಲ್ಲೆ ನಡೆಸಿದ ನೈಜೀರಿಯಾ ಪ್ರಜೆಯ ಕೆವಿನ್ ಜೇಮ್ಸ್ ಎಂಬಾತನನ್ನು ಬಂಧಿಸಿದ್ದಾರೆ. ಕೆವಿನ್ ಜೇಮ್ಸ್ ವಿರುದ್ಧ ಎನ್‌ಡಿಪಿಎಸ್ ಹಾಗೂ ಕೊಲೆ ಯತ್ನ ಆರೋಪದ ಅಡಿ ನಾಲ್ಕು ಪ್ರಕರಣಗಳು ದಾಖಲಾಗಿತ್ತು. ನ್ಯಾಯಾಲಯದ ಸೂಚನೆ ಮೇರೆಗೆ ಆರೋಪಿಯನ್ನು ನೆಲಮಂಗಲ ಸಮೀಪದ ಸೊಂಡೆಕೊಪ್ಪ ಬಳಿಯ ವಿದೇಶಿಯರ ವಲಸಿಗರ ಕೇಂದ್ರದಲ್ಲಿ ಇರಿಸಲಾಗಿತ್ತು. ಮೂಲಗಳ ಪ್ರಕಾರ, ಜೇಮ್ಸ್ ಎರಡು ದಿನಗಳ ಹಿಂದೆ ಗಲಾಟೆ ಮಾಡಿ, 'ನನಗೆ ಜಾಮೀನು ಮಂಜೂರಾಗಿದೆ. ನನ್ನನ್ನು ಬಿಡಿ' ಎಂದು ಹೇಳಿ ಎಎಸ್‌ಐ, ಕಾನ್‌ಸ್ಟೆಬಲ್‌ಗಳ ಮೇಲೆ ಹಲ್ಲೆ ನಡೆಸಿದ್ದಾನೆ.