ಓವರಿಯನ್ ಕ್ಯಾನ್ಸರ್ ಪತ್ತೆಗೆ ಹೊಸ ಸ್ಕ್ಯಾನ್: ಬೆಂಗಳೂರು ವೈದ್ಯರ ಅಧ್ಯಯನದಿಂದ ಶೇ 86 ರಿಸಲ್ಟ್ಸ್

ಬೆಂಗಳೂರಿನ ವೈದ್ಯರು ನಡೆಸಿದ ಹೊಸ ಅಧ್ಯಯನದಿಂದ ಅಂಡಾಶಯದ ಕ್ಯಾನ್ಸರ್ ದೇಹದ ಇತರೆ ಭಾಗಗಳಿಗೆ, ಮುಖ್ಯವಾಗಿ ಉದರದ ಒಳಪದರಕ್ಕೆ ಹಬ್ಬಿರುವ ಪ್ರಮಾಣವನ್ನು ನಿಖರವಾಗಿ ಪತ್ತೆಹಚ್ಚುವಲ್ಲಿ ಹೊಸ ತಂತ್ರಜ್ಞಾನದ ಸ್ಕ್ಯಾನ್ ಸಾಂಪ್ರದಾಯಿಕ ಸಿಟಿ ಸ್ಕ್ಯಾನ್‌ಗಿಂತ ಹೆಚ್ಚು ಪರಿಣಾಮಕಾರಿಯಾಗಿದೆ ಎಂದು ತಿಳಿದುಬಂದಿದೆ. ಬೆಂಗಳೂರಿನ ಆಸ್ಟರ್ ಇಂಟರ್‌ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಆಂಕಾಲಜಿಯ ವೈದ್ಯರು ಒಟ್ಟು 200 ಮಹಿಳೆಯರ ಮೇಲೆ ನಡೆಸಿದ ಈ ಸಂಶೋಧನೆ, ಪ್ರತಿಷ್ಠಿತ 'ಜರ್ನಲ್ ಆಫ್ ನ್ಯೂಕ್ಲಿಯರ್ ಮೆಡಿಸಿನ್'ನಲ್ಲಿ ಪ್ರಕಟವಾಗಿದೆ. FAPI ಟ್ರೇಸರ್ ಬಳಸಿ ಮಾಡುವ PET/CT ಸ್ಕ್ಯಾನ್ ರೋಗದ ಹರಡುವಿಕೆಯನ್ನು ಅತ್ಯಂತ ಸ್ಪಷ್ಟವಾಗಿ ಪತ್ತೆ ಮಾಡುತ್ತದೆ ಎಂದು ವೈದ್ಯರು ಕಂಡುಕೊಂಡಿದ್ದಾರೆ. ಈ ಹೊಸ ಸ್ಕ್ಯಾನ್​ನಿಂದ 86 ಪ್ರತಿಶತ ನಿಖರತೆ ಸುಧಾರಿತ ಅಂಡಾಶಯದ ಕ್ಯಾನ್ಸರ್ ಪ್ರಕರಣಗಳಲ್ಲಿ ಕ್ಯಾನ್ಸರ್ ಜೀವಕೋಶಗಳು ಉದರದ ಒಳಪದರಕ್ಕೆ ಹರಡುವುದು ಸಾಮಾನ್ಯ ಎಂದು ಅಧ್ಯಯನ ತಿಳಿಸಿದೆ.