₹5 ಲಕ್ಷ ಹಣ ಮತ್ತು ಕಾರು ವಾಪಸ್ ಕೊಡದೇ ಬೆದರಿಕೆ ಆರೋಪ; ನಟ ಧನ್ವೀರ್ ವಿರುದ್ಧ ಮತ್ತೊಂದು ಕೇಸ್ ದಾಖಲು

ನಟ ಧನ್ವೀರ್ ವಿರುದ್ಧ ಮತ್ತೊಂದು ದೂರು ದಾಖಲಾಗಿದೆ. ಬ್ಯಾಟರಾಯನಪುರ ಪೊಲೀಸರು ಗೌರವ್ ಎಂಬಾತ ನೀಡಿದ ದೂರಿನ ಮೇಲೆ ಎನ್ ಸಿಆರ್ ದಾಖಲಿಸಿದ್ದಾರೆ. ಧನ್ವೀರ್ ಮತ್ತು ಶಶಿ ಎಂಬಾತನ ಮೇಲೆ ಗೌರವ್ ದೂರು ನೀಡಿದ್ದು, ನಟ ಧನ್ವೀರ್ ಅವರಿಂದ 5 ಲಕ್ಷ ರೂಪಾಯಿಗೆ ವಿಮಾನ ಟಿಕೆಟ್ ಬುಕ್ ಮಾಡಿಸಿಕೊಂಡಿದ್ದರು. ಟಿಕೆಟ್ ಬುಕ್ ಆದ ಬಳಿಕ ಹಣ ಕೇಳಿದರೂ ವಾಪಸ್ ಕೊಡಲಿಲ್ಲ. ಅಲ್ಲದೆ, ವೋಕ್ಸ್ ವ್ಯಾಗನ್ ಕಾರನ್ನು ಧನ್ವೀರ್, ಶಶಿ ಎಂಬುವನಿಗೆ ನೀಡಿದ್ದರೂ ಅದನ್ನು ಹಿಂತಿರುಗಿಸಲಿಲ್ಲ. ಹಣ ಮತ್ತು ಕಾರನ್ನು ವಾಪಸ್ ಕೇಳಿದಾಗ ಅವಾಚ್ಯವಾಗಿ ನಿಂದಿಸಿ ಬೆದರಿಕೆ ಹಾಕಿದ್ದಾರೆ ಎಂದು ಗೌರವ್ ಆರೋಪಿಸಿದ್ದಾರೆ.