ನಮ್ಮ ಮೆಟ್ರೋದಲ್ಲಿ ಜೀವ ಉಳಿಸುವ ಪ್ರಯಾಣ

ಕೋಲಾರದ ಜಾಲಪ್ಪ ಆಸ್ಪತ್ರೆಯಿಂದ ಬೆಂಗಳೂರಿನ ನಾಗರಭಾವಿ ಫೋರ್ಟಿಸ್ ಆಸ್ಪತ್ರೆಗೆ ಮಾನವ ಮೂತ್ರಪಿಂಡ ಸಾಗಣೆಗೆ ನಮ್ಮ ಮೆಟ್ರೋ ನೆರವಾಯಿತು. ಬೆನ್ನಿಗಾನಹಳ್ಳಿಯಿಂದ ಮೆಟ್ರೋ ರೈಲು ಹತ್ತಿದ ವೈದ್ಯಕೀಯ ತಂಡ ಮಧ್ಯಾಹ್ನ 2:58ಕ್ಕೆ ಹೊರಟು, ಮಧ್ಯಾಹ್ನ 3:35ಕ್ಕೆ ಅತ್ತಿಗುಪ್ಪೆ ಮೆಟ್ರೋ ನಿಲ್ದಾಣ ತಲುಪಿದೆ. ಈವರೆಗೆ ನಮ್ಮ ಮೆಟ್ರೋದಿಂದ 7 ಬಾರಿ ಅಂಗಾಂಗ ಸಾಗಣೆಗೆ ನೆರವಾಗಿದ್ದು, ಒಂದು ಲಿವರ್, ನಾಲ್ಕು ಹೃದಯ ಹಾಗೂ ಒಂದು ಜೋಡಿ ಶ್ವಾಸಕೋಶಗಳ ಸಾಗಣೆಗೆ ಸಹಕಾರ ನೀಡಿದೆ.