ನಾದೋಪಾಸನಂ ಸಂಗೀತೋತ್ಸವ 4 ರಂದು ಟಿಆರ್‍ಸಿ ಸಭಾಭವನದಲ್ಲಿ

ನಾದಾನುಸಂಧಾನ ಟ್ರಸ್ಟ್ ಮತ್ತು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಹಯೋಗದೊಂದಿಗೆ ನಾದೋಪಾಸನಂ ಸಂಗೀತೋತ್ಸವ 4 ಅನ್ನು 9ರಂದು ಟಿಆರ್‍ಸಿ ಸಭಾಭವನದಲ್ಲಿ ಆಯೋಜಿಸಲಾಗಿದೆ. ಪದ್ಮಶ್ರೀ ಪುರಸ್ಕೃತ ಗಾಯಕ ವೆಂಕಟೇಶಕುಮಾರ ಅವರು ಹಿಂದುಸ್ತಾನಿ ಶಾಸ್ತ್ರೀಯ ಗಾಯನ ಪ್ರಸ್ತುತಪಡಿಸಲಿದ್ದಾರೆ. ಈ ಸಂಗೀತೋತ್ಸವದಲ್ಲಿ ತಬಲಾದಲ್ಲಿ ಭೀಮಾಶಂಕರ ಬಿದನೂರು, ಹಾರ್ಮೋನಿಯಂನಲ್ಲಿ ಅಜಯ ಹೆಗಡೆ ವರ್ಗಾಸರ ಹಾಗೂ ಮಂಜೀರಾದಲ್ಲಿ ಅನಂತಮೂರ್ತಿ ಮುತ್ತಿಘಟ್ಟ ಸಾಥ್ ನೀಡಲಿದ್ದಾರೆ. ಇದರೊಂದಿಗೆ ಬೆಂಗಳೂರಿನ ಭಾರ್ಗವ ರಾವ್ ಅವರಿಂದ ಬಾನ್ಸುರಿ ವಾದನ ಹಾಗೂ ಧಾರವಾಡದ ಶ್ರೀಹರಿ ದಿಗ್ಗಾವಿ ಅವರಿಂದ ತಬಲಾ ವಾದನ ಜರುಗಲಿದೆ. ಸಂಗೀತ ಮತ್ತು ಯೋಗ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸಿದ ಮೋಹನ ಹೆಗಡೆ (ಸಂಗೀತ) ಮತ್ತು ಸುಧೀರ ಎಚ್.ಎಂ. (ಯೋಗ) ಅವರಿಗೆ ಗೌರವ ಸನ್ಮಾನ ನೆರವೇರಿಸಲಾಗುವುದು ಎಂದು ಆಯೋಜಕರು ತಿಳಿಸಿದ್ದಾರೆ.