ಲಾಲ್‌ಬಾಗ್ ಬಳಿ ನಂದಿನಿ ಅಂಗಡಿಗಾಗಿ ಅಕ್ರಮ ಅನುಮತಿ ಹಿಂಪಡೆಯಬೇಕು: ಎನ್‌.ಆರ್‌. ರಮೇಶ್‌

ಲಾಲ್‌ಬಾಗ್ ಮುಂಭಾಗದಲ್ಲಿ ನಂದಿನಿ ಹಾಲು ಉತ್ಪನ್ನಗಳ ಮಾರಾಟ ಮಳಿಗೆ ಸ್ಥಾಪನೆಗೆ ಕಾನೂನುಬಾಹಿರ ಅನುಮತಿ ನೀಡಿರುವುದನ್ನು ಕೂಡಲೇ ಹಿಂಪಡೆಯಬೇಕು ಎಂದು ಎನ್‌.ಆರ್‌. ರಮೇಶ್‌ ಆಗ್ರಹಿಸಿದ್ದಾರೆ. ಕೆಎಂಎಫ್ ವತಿಯಿಂದ ಲಾಲ್ ಬಾಗ್ ಸಸ್ಯ ತೋಟದ ಪಶ್ಚಿಮ ದ್ವಾರದ ಮುಂಭಾಗದಲ್ಲಿ ನಂದಿನಿ ಮಳಿಗೆ ಸ್ಥಾಪಿಸುವ ಸಂಬಂಧ, ಆಗಿನ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆಯಿಂದ ಬಂದಿದ್ದ ಪ್ರಸ್ತಾವವನ್ನು ತೋಟಗಾರಿಕೆ ಇಲಾಖೆಯ ಉಪ ನಿರ್ದೇಶಕರು 2025ರ ಆಗಸ್ಟ್‌ 22ರಂದು ತಿರಸ್ಕರಿಸಿದ್ದರು. ಬೆಂಗಳೂರು ಕೇಂದ್ರ ನಗರ ಪಾಲಿಕೆಯು ರಾಜಕೀಯ ಪ್ರಭಾವಗಳಿಗೆ ಒಳಗಾಗಿ ನಂದಿನಿ ಮಳಿಗೆ ಸ್ಥಾಪಿಸಲು 2025ರ ಏಪ್ರಿಲ್ 22ರಂದು ಅನುಮತಿ ನೀಡಿದೆ ಎಂದೂ ಅವರು ತಿಳಿಸಿದ್ದಾರೆ. ಕೆಎಂಎಫ್‌ಗೆ ಹಸ್ತಾಂತರಿಸಿರುವ 100 ಚದರಡಿ ವಿಸ್ತೀರ್ಣವನ್ನು ವಾಪಸ್‌ ಪಡೆಯಬೇಕು ಎಂದು ಅವರು ಒತ್ತಾಯಿಸಿದ್ದಾರೆ.