ಕಾಜು ಮೈಸೂರು ಪಾಕ್‌ನಿಂದ ಕೇಸರ್ ಬಾದಾಮಿ ಜಾಮೂನ್‌ವರೆಗೆ; 3 ತಿಂಗಳವರೆಗೆ ತಾಜಾವಾಗಿರಲಿವೆ MTR ಸ್ವೀಟ್ಸ್!

MTR Foods ತನ್ನ ಸಿಹಿ ತಿನಿಸುಗಳ ವಿಭಾಗವನ್ನು ವಿಸ್ತರಿಸಿದೆ, ಮಾರುಕಟ್ಟೆಗೆ ಹಲವು ಹೊಸ ಸ್ವೀಟ್ ಗಳನ್ನು ಪರಿಚಯಿಸಿದೆ. ಕಂಪನಿಯ ಒಟ್ಟು ಸಿಹಿ ತಿನಿಸುಗಳ ಶ್ರೇಣಿ ಈಗ 27ಕ್ಕೆ ಏರಿಕೆಯಾಗಿದೆ. ಹೊಸ ಉತ್ಪನ್ನಗಳ ಪಟ್ಟಿಯಲ್ಲಿ ಮಿಲ್ಕ್ ಮೈಸೂರು ಪಾಕ್ ಮತ್ತು ಕಾಜು ಮೈಸೂರು ಪಾಕ್ ಸೇರಿವೆ. ಇದಲ್ಲದೆ, ಬೆಲ್ಲ ಮತ್ತು ತುಪ್ಪದ ಸಂಯೋಜನೆಯಲ್ಲಿ ಹೊಸ ಶ್ರೇಣಿಯನ್ನೂ ಕಂಪನಿ ಪರಿಚಯಿಸಿದೆ. ಮೈಸೂರು ಪಾಕ್ ಜೊತೆಗೆ ಖರ್ಜೂರ ಮತ್ತು ಡ್ರೈ ಫ್ರೂಟ್ಸ್ ಗಳನ್ನು ಎರಡು ಹಂತದ ವಿನ್ಯಾಸದಲ್ಲಿ ಸಂಯೋಜಿಸಿ ಮೈಸೂರು ಪಾಕ್ ಡೇಟ್ ಬೈಟ್ಸ್ ಅನ್ನು ಸಹ ಪರಿಚಯಿಸಿದೆ. ಗುಲಾಬ್ ಜಾಮೂನ್ ಪ್ರಿಯರಿಗೂ ಡ್ರೈ ಜಾಮೂನ್, ಕಾಳಾ ಜಾಮೂನ್ ಹಾಗೂ ಕೇಸರ್ ಬಾದಾಮಿ ಗುಲಾಬ್ ಜಾಮೂನ್ ಸೇರಿದಂತೆ ಹೊಸ ಆಯ್ಕೆಗಳು ಲಭ್ಯವಾಗಲಿವೆ.