MLA ಸುರೇಶ್ ಕುಮಾರ್ ಅವರು ನಕಲಿ ಪದವಿ ಮಾರಾಟದ ಬೃಹತ್ ವಂಚನೆ ಜಾಲದ ಬಗ್ಗೆ ವಿಡಿಯೋ ಹಂಚಿಕೊಂಡಿದ್ದಾರೆ

ರಾಜ್ಯದಲ್ಲಿ ನಕಲಿ ಪದವಿ ಹಾಗೂ ಪ್ರಮಾಣಪತ್ರಗಳನ್ನು ಮಾರಾಟ ಮಾಡುವ ಬೃಹತ್ ವಂಚನೆಯ ಜಾಲದ ಬಗ್ಗೆ ಶಾಸಕ ಎಸ್. ಸುರೇಶ್ ಕುಮಾರ್ ಅವರು ತೀವ್ರ ಆತಂಕ ವ್ಯಕ್ತಪಡಿಸಿದ್ದಾರೆ. ವಿಧಾನಸೌಧಕ್ಕೆ ತೆರಳುವಾಗ ನಗರದ ರಾಜಾಜಿನಗರ ಸೇರಿದಂತೆ ಹಲವು ಕಡೆಗಳಲ್ಲಿ ಅಂಟಿಸಲಾಗಿದ್ದ ಪೋಸ್ಟರ್‌ಗಳನ್ನು ಗಮನಿಸಿ ಅವರು ಈ ಬಗ್ಗೆ ವಿಡಿಯೋ ಹಂಚಿಕೊಂಡಿದ್ದಾರೆ. GNM, B.Sc Nursing, LLB, B.Pharmacy, BAMS, BNYS, B.Tech ಬಿದ್ದವರಿಗೆ ಅಡ್ಮಿಷನ್ ಓಪನ್ (2026-2027) ಎಂದು ಪ್ರಕಟಿಸಿ, ಕೆಳಗೆ ಮೊಬೈಲ್ ಸಂಖ್ಯೆಗಳನ್ನು ನೀಡಲಾಗಿತ್ತು. ಇಂತಹ ಅನುತ್ತೀರ್ಣರಾದವರಿಗೆ ನೇರ ಡಿಗ್ರಿ ಕೊಡುವ ಆಮಿಷ ಒಡ್ಡಿರುವುದು ಆಘಾತಕಾರಿ ಎಂದು ಅವರು ತಿಳಿಸಿದ್ದಾರೆ. ವಿದ್ಯಾರ್ಥಿಗಳು ಇಂತಹ ಜಾಹೀರಾತುಗಳನ್ನು ನೋಡಿ ಹಣ ನೀಡಿ ಮೋಸ ಹೋಗಬಾರದು ಎಂದು ಶಾಸಕರು ಸಲಹೆ ನೀಡಿದ್ದಾರೆ.