ಪ್ರಯಾಣಿಕರೇ ಗಮನಿಸಿ: ರೈಲು ಸಂಚಾರದಲ್ಲಿ ಮಹತ್ವದ ಬದಲಾವಣೆ, ಈ ಮಾರ್ಗದಲ್ಲಿ 35 ದಿನ ಟ್ರೈನ್ ರದ್ದು

ದಕ್ಷಿಣ ಪಶ್ಚಿಮ ರೈಲ್ವೆಯ ಬೆಂಗಳೂರು ವಿಭಾಗದಲ್ಲಿ ರೈಲು ಹಳಿಗಳ ನಿರ್ವಹಣೆ ಮತ್ತು ಸುರಕ್ಷತಾ ತಪಾಸಣೆ ಕಾಮಗಾರಿ ಕೈಗೊಳ್ಳುತ್ತಿರುವ ಹಿನ್ನೆಲೆಯಲ್ಲಿ ಬೆಂಗಳೂರು-ಕುಪ್ಪಂ ಮಾರ್ಗದ ರೈಲು ಸಂಚಾರದಲ್ಲಿ ಬದಲಾವಣೆ ಮಾಡಲಾಗಿದೆ. ರೈಲು ಸಂಖ್ಯೆ 66544 (ಬಾಣಸವಾಡಿ-ಕುಪ್ಪಂ ಮೆಮು) ಮತ್ತು 66543 (ಕುಪ್ಪಂ-ಬೆಂಗಳೂರು ಮೆಮು) ರೈಲುಗಳನ್ನು ಸೂಚಿಸಿರುವ ದಿನಗಳಲ್ಲಿ ಒಟ್ಟು 35 ದಿನಗಳ ಕಾಲ ಸಂಪೂರ್ಣವಾಗಿ ರದ್ದುಪಡಿಸಲಾಗಿದೆ. ಇದಲ್ಲದೆ, ರೈಲು ಸಂಖ್ಯೆ 66511 (ಬೆಂಗಳೂರು-ಮಾರಿಕುಪ್ಪಂ ಮೆಮು) 23 ದಿನಗಳ ಕಾಲ ಬಂಗಾರಪೇಟೆಯಲ್ಲಿ ಅಲ್ಪಾವಧಿಗೆ ನಿಲ್ಲುತ್ತದೆ, ಮತ್ತು ರೈಲು ಸಂಖ್ಯೆ 66514 (ಮಾರಿಕುಪ್ಪಂ-ಕೃಷ್ಣರಾಜಪುರಂ ಮೆಮು) 23 ದಿನಗಳ ಕಾಲ ಬಂಗಾರಪೇಟೆಯಿಂದಲೇ ತನ್ನ ಸಂಚಾರ ಆರಂಭಿಸಲಿದೆ.