‘m-YUKTI 2026’ ಐಡಿಯಾಥಾನ್ ಸಮಾರೋಪ ಬೆಂಗಳೂರಿನಲ್ಲಿ, ಮಹಿಳಾ ನಾವೀನ್ಯತೆಗೆ ಗೌರವ

ಮಹಿಳಾ ನಾವೀನ್ಯತೆ, ಸೃಜನಶೀಲತೆ ಹಾಗೂ ಉದ್ಯಮಶೀಲತೆಯನ್ನು ಉತ್ತೇಜಿಸುವ ಉದ್ದೇಶದಿಂದ ಆಯೋಜಿಸಿದ್ದ 24 ಗಂಟೆಗಳ ಮಹಿಳಾ ಕೇಂದ್ರಿತ ಐಡಿಯಾಥಾನ್ ‘m-YUKTI 2026’ ಅಕ್ಟೋಬರ್ 9ರಂದು ಬೆಂಗಳೂರಿನ ಕೆ.ಎನ್.ವಿ. ಶಾಸ್ತ್ರಿ ಸಭಾಂಗಣದಲ್ಲಿ ಸಮಾರೋಪಗೊಂಡಿತು. ಈ ಐಡಿಯಾಥಾನ್‌ನಲ್ಲಿ 'ಮಹಿಳೆಯರು ಮತ್ತು ಮಕ್ಕಳು', 'ಹವಾಮಾನ ಸುಸ್ಥಿರತೆ' ಹಾಗೂ 'ಎಲ್ಲರನ್ನೂ ಒಳಗೊಳ್ಳುವ ಭವಿಷ್ಯ' ಎಂಬ ಮೂರು ವಿಷಯಗಳಿಗೆ ಸ್ಪರ್ಧೆ ಆಯೋಜಿಸಲಾಗಿತ್ತು. 'ಮಹಿಳೆಯರು ಮತ್ತು ಮಕ್ಕಳು' ವಿಷಯದಡಿ ಮೈಸೂರಿನ ಜಿ.ಎಸ್.ಎಸ್. ವಿಜ್ಞಾನ ಮತ್ತು ತಂತ್ರಜ್ಞಾನ ಮಹಿಳಾ ಎಂಜಿನಿಯರಿಂಗ್ ಸಂಸ್ಥೆಯ ನೇಹಾ ಗೌಡ ಕೆ. ಎಸ್. ಮತ್ತು ಅಭಿಷ್ಟಾ ಎಸ್. ಪ್ರಥಮ ಬಹುಮಾನ ಪಡೆದರು.