ಬೆಂಗಳೂರಿನಿಂದ ಚೆನ್ನೈಗೆ ಅಗ್ಗದ ಡಬಲ್ ಡೆಕ್ಕರ್ ರೈಲು ಸೇವೆ ಆರಂಭ

ಬೆಂಗಳೂರಿನಿಂದ ಚೆನ್ನೈಗೆ ಅಗ್ಗದ ಡಬಲ್ ಡೆಕ್ಕರ್ ರೈಲು ಸೇವೆ ಲಭ್ಯವಿದೆ. ಕೆಎಸ್ಆರ್ ಬೆಂಗಳೂರು ನಿಲ್ದಾಣದಿಂದ ಎಂಜಿಆರ್ ಚೆನ್ನೈಗೆ ಸಂಪರ್ಕ ಕಲ್ಪಿಸುವ ಈ ಎಸಿ ಡಬಲ್ ಡೆಕ್ಕರ್ ರೈಲು ಸೇವೆಯ ಟಿಕೆಟ್ ಬೆಲೆ ಕೇವಲ 575 ರೂಪಾಯಿ. ಮಧ್ಯಾಹ್ನ 1.30ಕ್ಕೆ ಬೆಂಗಳೂರು ನಿಲ್ದಾಣದಿಂದ ಹೊರಟು ಸಂಜೆ 7.45ಕ್ಕೆ ಚೆನ್ನೈ ತಲುಪಲಿದೆ. ಈ ರೈಲು ಕಂಟೋನ್ಮೆಂಟ್, ಕೃಷ್ಣರಾಜಪುರಂ, ಬಂಗಾರಪೇಟೆ, ಕುಪ್ಪಂ, ಜೋಲಾರಪೆಟ್ಟೈ, ವನಿಯಂಬಾಡಿ, ಅಂಬೂರು, ಕಟಪಾಡಿ, ಅರಕ್ಕೊನಂ, ತಿರುವಲ್ಲೂರು, ಪೆರಂಬೂರು ನಿಲುಗಡೆ ಮೂಲಕ ಚೆನ್ನೈ ಸೆಂಟ್ರಲ್ ತಲುಪಲಿದೆ.