ಬೆಂಗಳೂರಿನ ಸ್ಥಳೀಯ ಸಂಸ್ಥೆಗಳಲ್ಲಿ ನಿಧಿಯ ಕೊರತೆಯಿಂದ 'ಪಂಚಾಯಿತಿ ಕಲಹ'

15ನೇ ಹಣಕಾಸು ಆಯೋಗದ ಶಿಫಾರಸಿನಂತೆ ಹಂಚಿಕೆ ಮಾಡಲಾಗಿದ್ದ ಮೊತ್ತವನ್ನು ಕೇಂದ್ರ ಸರ್ಕಾರ ಬಿಡುಗಡೆ ಮಾಡದಿರುವುದರಿಂದಾಗಿ ಮೂಲ ಸೌಕರ್ಯ ನಿರ್ವಹಣೆಗೂ ಗ್ರಾಮ ಪಂಚಾಯಿತಿಗಳು ಪರದಾಡುತ್ತಿವೆ. ಇದರ ಪರಿಣಾಮವಾಗಿ ಗುತ್ತಿಗೆದಾರರು–ಅಧಿಕಾರಿಗಳ ಮಧ್ಯೆ ನಿತ್ಯವೂ ‘ಪಂಚಾಯಿತಿ ಕಲಹ’ ನಡೆಯುತ್ತಿವೆ. ಬಾಕಿ ಬಿಡುಗಡೆಯಾಗುವವರೆಗೂ ತೆರಿಗೆ ಸಂಗ್ರಹ ಕೊರತೆ ಇರುವ ಪಂಚಾಯಿತಿಗಳಿಗೆ ತಲಾ ₹10 ಲಕ್ಷ ತುರ್ತು ನೆರವು ನೀಡಬೇಕು ಎಂಬ ಮನವಿಗೆ ರಾಜ್ಯ ಸರ್ಕಾರವೂ ಸ್ಪಂದಿಸಿಲ್ಲ.