ಬೆಂಗಳೂರು ಕೃಷಿ ಮೇಳಕ್ಕೆ ಮೂರು ದಿನಗಳ ನಿಗದಿ; ರಾಗಿ, ಜೋಳದ ಹಲವು ಹೊಸ ತಳಿಗಳ ಅನಾವರಣ

ರಾಜ್ಯದಲ್ಲಿ ಬರ ನಿರ್ವಹಣೆಯ ಹಿನ್ನೆಲೆಯಲ್ಲಿ ಒಂದು ದಿನಕ್ಕೆ ಸೀಮಿತಗೊಳಿಸಲು ಉದ್ದೇಶಿಸಲಾಗಿದ್ದ ಬೆಂಗಳೂರು ಕೃಷಿ ಮೇಳವನ್ನು ಕೃಷಿ ಸಚಿವರ ಸೂಚನೆಯಂತೆ ನವೆಂಬರ್ 16 ರಿಂದ 18 ರವರೆಗೆ ಮೂರು ದಿನಗಳ ಕಾಲ ಆಯೋಜಿಸಲು ತೀರ್ಮಾನಿಸಲಾಗಿದೆ. ಈ ಮೇಳದಲ್ಲಿ ರೈತರಿಗೆ ಬರ ನಿರ್ವಹಣಾ ತಂತ್ರಜ್ಞಾನಗಳ ಪರಿಚಯದೊಂದಿಗೆ, ಬರ ಸಹಿಷ್ಣು ರಾಗಿ (ಜಿಪಿಯು 101), ಬೀಜದ ದಂಟು ಹಾಗೂ ಹೈಬ್ರಿಡ್ ಮುಸುಕಿನ ಜೋಳದ ಮೂರು ನೂತನ ತಳಿಗಳನ್ನು ಬಿಡುಗಡೆ ಮಾಡಲಾಗುತ್ತಿದೆ.