ಬೆಂಗಳೂರು ವಿಭಾಗದ ದಸರಾ ಕ್ರೀಡಾಕೂಟ ಬ್ಯಾಸ್ಕೆಟ್‌ಬಾಲ್ ಟೂರ್ನಿಯಲ್ಲಿ ಕೋಲಾರ ಮೊದಲ ಸ್ಥಾನ ಪಡೆದಿದೆ

ಬೆಂಗಳೂರು ವಿಭಾಗ ಮಟ್ಟದ ದಸರಾ ಕ್ರೀಡಾಕೂಟದ ಬ್ಯಾಸ್ಕೆಟ್‌ಬಾಲ್‌ ಟೂರ್ನಿಯಲ್ಲಿ ಕೋಲಾರ ಪುರುಷರ ಜಿಲ್ಲಾ ತಂಡ ಮೊದಲ ಸ್ಥಾನ ಪಡೆದುಕೊಂಡಿದೆ. ನಗರದ ಮಿನಿ ಕ್ರೀಡಾಂಣದ ಟೂರ್ನಿಯಲ್ಲಿ ಒಟ್ಟು ಎಂಟು ತಂಡಗಳು ಪಾಲ್ಗೊಂಡಿದ್ದವು. ಫೈನಲ್‌ನಲ್ಲಿ ಚಿಕ್ಕಬಳ್ಳಾಪುರ ಜಿಲ್ಲೆ ತಂಡ ಆಡಲು ನಿರಾಕರಿಸಿದ ಕಾರಣ ಕೋಲಾರ ಚಿನ್ನದ ನಾಡು ತಂಡಕ್ಕೆ ವಾಕ್‌ ಓವರ್ ಲಭಿಸಿತು. ಹೀಗಾಗಿ, ವಿಜೇತ ತಂಡವೆಂದು ಘೋಷಿಸಲಾಯಿತು. ಕೋಲಾರ ಜಿಲ್ಲೆಯ ಮಹಿಳೆಯರ ತಂಡದವರು ಕೂಡ ಮೈಸೂರು ದಸರಾ ಕ್ರೀಡಾಕೂಟಕ್ಕೆ ಆಯ್ಕೆಯಾಗಿದ್ದಾರೆ.