ಐಎಎಸ್ ಅಧಿಕಾರಿ ಘ್ಯಾನೇಂದ್ರ ಕುಮಾರ್ ಗಂಗ್ವಾರ್ ಟ್ಯಾಬ್ ನಾಶ ಪಡಿಸಿದ್ದ ಕುರಿತು

ಕೆಪಿಎಸ್‌ಸಿ ಅಕ್ರಮ ಪ್ರಕರಣದಲ್ಲಿ ಅಮಾನತುಗೊಂಡಿರುವ ಐಎಎಸ್‌ ಅಧಿಕಾರಿ ಘ್ಯಾನೇಂದ್ರ ಕುಮಾರ್ ಗಂಗ್ವಾರ್ ಅವರು ತಮ್ಮ ಬಳಿಯಿದ್ದ ಟ್ಯಾಬ್ ನಾಶ ಪಡಿಸಿರುವುದು ಸಿಐಡಿ ತನಿಖೆ ವೇಳೆ ಗೊತ್ತಾಗಿದೆ. ಬೆಂಗಳೂರು ಸೇರಿ ರಾಜ್ಯದ ವಿವಿಧ ಕಡೆ ಅಧಿಕಾರಿಗಳ ತಂಡ ನಡೆಸಿದ ದಾಳಿ ವೇಳೆ ರಾಜ್ಯ ತೊರೆದಿದ್ದ ಆರೋಪಿ, ತಮ್ಮ ಸ್ವಗ್ರಾಮದಲ್ಲಿದ್ದರು. ಈ ವೇಳೆ ನೋಟಿಸ್ ನೀಡಲು ಮುಂದಾಗಿದ್ದ ಅಧಿಕಾರಿಗಳ ಎದುರು ತಮ್ಮ ಕೈಯಲ್ಲಿದ್ದ ಟ್ಯಾಬ್‌ ಅನ್ನು ನೆಲಕ್ಕೆ ಎಸೆದು ಒಡೆದಿದ್ದರು.